Alame Gashshe Noohu Isi Ayeti?
Ate hedora . . .
-
Maganoho?
-
mannahonso?
-
gashshinohu wolu no?
QULLAAWU MAXAAFI TOGO YAANNO
“Alame gudisidhe mittu bushu anga no.”—1 Yohaannisi 5:19.
‘Maganu Beetti xawinohu Daawuloosi looso diigaraati.’ —1 Yohaannisi 3:8, Haaro Alame Tiro.
TENNE AMMANAKKI MAAHO KAAꞌLITANNOHE?
Alamete aana noo qarrira kaimu maatiro huwatatto gede.—Ajuuja 12:12.
Tini busha alame soorranteenna woyyaabbino alame dagganno yite hexxatto gede.—1 Yohaannisi 2:17.
QULLAAWU MAXAAFI YAANNORE AMMANNEEMMO GEDE ASSANNONKERI NO?
Ee, ajayi ajeenna sasu coyi no:
-
Sheexaanu gashshooti baꞌꞌara farandoonni. Yihowa Sheexaanu gashshoote mannu ooso aaninni hoolate murciꞌre kaino. Isi “Daawuloosi buko buluulo assate” qaale eino; qoleno, Sheexaanu abbino gawajjo baalanta dhaawanno. —Ibiraawuyaani 2:14, Haaro Alame Tiro.
-
Maganu alame gashshara Yesuusi Kiristoosi shoomino. Yesuusi tenne alame gashshaanchi gede kaajjadonna umisi horora wojji yaannoha diꞌꞌikkino. Maganu Yesuusi mootummare coyiꞌranni togo yiino: “Isi mishantinorenna buxane mararanno . . . Gadadunninna gawajjotenni gatisannonsa.”—Faarso 72:13, 14.
-
Maganu kapha didandaanno. Qullaawu Maxaafi xawise, “Maganu kapha horo didandaanno” yaanno. (Ibiraawuyaani 6:18) Yihowa mitto coye asseemmo yee qaale ei yaa, hakku coyi ikkino gedeeti! (Isayyaasi 55:10, 11) “Tenne alame gashshaancho fushshine gobbara tunganni.”—Yohaannisi 12:31.
HANNI KONNE COYE HEDI
Alamete gashshaanchi bai gedensaanni alame hiittoota ikkitanno?
Qullaawu Maxaafi tenne xaꞌmora qolanno dawaro FAARSO 37:10, 11 nna AJUUJA 21:3, 4 aana lai.
Kurino Lai
KAA'LANNOHA QULLAAWU MAXAAFI ROSO
Maganu Qarru Heeˈrara Fajjinohu Mayiraati?
Batinyu manni, ‘Alamete aana qarrunna gibbo togo batidhinohu mayiraati?’ yee hedanno. Qullaawu Maxaafi tenne xaˈmora gari dawaro qolanno.
QULLAAWU MAXAAFI XAꞌMONNA DAWARO
Isi Addanka Daawuloosi No?
Sheexaanu Daawuloosi mannu giddo noote busha hedooti woy akataatinso isi addanka nooho?
NINKE DAAFIRA
Qullaawa Maxaafa Xiinxalla Hasiissannohu Mayiraati?
Alamete aana lowo miliyoone ikkanno manni huluullitannonsa xaꞌmora Qullaawu Maxaafinni dawaro afiꞌranni no. Atino xaꞌmokkira dawaro afiꞌra hasiꞌratto?
NINKE DAAFIRA
Hasaawinseemmohe Gede Kuꞌli
Qullaawu Maxaafi xaꞌmo hasaawa, woy Yihowa Farciꞌraasine daafira ledde afa dandaatto.
