ROSO 47
Cuuamate Qixxaawootto?
Kageeshsha Qullaawa Maxaafa xiinxallakkinni Yihowa daafira lowore rosootto. Rosootto rosi garinni heeꞌrate heeshshokki giddo mitore biddi assiꞌroottohano ikkara dandaanno. Ikkollana heeshshokki Yihowara sayisse aatenna cuuamate hobbi ruxxi yaatto gede assinohe coyi heeꞌrara dandaanno. Konni rosira, duucha woyite cuuammannikki gede guficho ikkannoha mito coyenna hakkonne coye qeela dandaatto gara rosatto.
1. Cuuamattora albaanni mageeshshi egenno hasiissannohe?
Cuuamattora albaanni, Qullaawu Maxaafi “halaale afa” hasiissannohe. (1 Ximootewoosi 2:4) Hatto yaa kayinni, cuuamattora albaanni mitte mittente Qullaawu Maxaafi xaꞌmora dawaro afa hasiissannohe yaa diꞌꞌikkitino. Cuuantunku lowo diro ikkinonsa roduuwi nafa Yihowa daafira rosa diagurtanno. (Qolasiyaasi Sokka 1:9, 10) Ikkollana, Qullaawu Maxaafiha qara qara roso huwata hasiissannohe. Songote cimeeyye gari egenno nooheronna teꞌee afatto gede kaaꞌlitannohe.
2. Cuuamattora albaanni assa hasiissannohehu mitu coyi maati?
Cuuamattora albaanni ‘aagintaabbe Maganunniwa higa’ hasiissannohe. (Soqqamaasinete Looso 3:19 nabbawi.) Hatto yaa, albinku loosootto cubbira godowinta gaabbanna gatona yaannohe gede Yihowa huucciꞌra hasiissannohe yaate. Qoleno busha amanyoote giwanna Magano hagiirsiisanno garinni heeꞌrate murciꞌra hasiissannohe. Hakkiinni saeno, songote gambooshshe haꞌranna cuuaminokki halashshaancho ikkite sabbaka hanafatto.
3. Waajja guficho ikkitahera wodha hasiissannohekkihu mayiraati?
Mitu manni, Yihowara eoommo qaale wonsha hoogammora dandeemmo yee waajjanno. Hige saꞌe saꞌe soꞌro loosakki gattannokkiti egennantinote; Qullaawu Maxaafi giddo kulloonniri ammanantino labballinna meenti nafa soꞌro loossino woyiti no. Ikkollana Yihowa soqqamaasinesi guuta ikkitinokkita afino. (Faarso 103:13, 14 nabbawi.) Dandiittore assittoro isi hagiidhanno! Qoleno kaaꞌlannohe. Isinni Yihowa “[isi] baxilliwiinni badankera dandaannori nookkita” kule jawaachishinonke.—Roomu Sokka 8:38, 39 nabbawi.
LEDDE XIINXALLI
Yihowa seekkite afanna isi kaaꞌlahera maahoyye yaa, cuuamattokki gede guficho ikkannohere qeelate kaaꞌlitannohehu hiittoonniitiro rosi.
4. Yihowa seekkite afi
Cuuamattora albaanni Yihowa mageeshshi geeshsha afa hasiissannohe? Iso baxatto gedenna hagiirsiisa hasiꞌratto gede assitannohe geeshshi egenno hasiissannohe. Alamete doyichora mite Qullaawu Maxaafi rosaano tenne assitino gara afate, VIIDIYO laꞌe. Hakkiinni, aante noo xaꞌmo hasaabbe.
-
Viidiyote giddo, mito manna cuuamate qixxaawanno gede kaaꞌlinonsari maati?
Roomu Sokka 12:2 nabbabbe; hakkiinni tenne xaꞌmuwa hasaabbe:
-
Qullaawu Maxaafi rosiisannori daafira woy Yihowa Farciꞌraasine halaale rosiissannore ikkansa daafira huluullinoheri no?
-
Hatto ikkiro, maa assa dandaattoha lawannohe?
5. Cuuamattokki gede guficho ikkannohere qeela dandaatto
Heeshshonke Yihowara sayinse aatenna cuuamate kaꞌneemmo woyite, ninke baalunkura guficho ikkannori tuncu yaannonke. Tennera mitto lawishsha laꞌꞌate, VIIDIYO laꞌe; hakkiinni aante noo xaꞌmuwa hasaabbe.
-
Viidiyote giddo, Naarangereli Yihowara soqqamate hiittoo guficho qeelte saꞌino?
-
Yihowara noose baxilli guficho ikkinosere qeelte saꞌanno gede kaaꞌlinosehu hiittoonniiti?
Lawishsha 29:25 nna 2 Ximootewoosi 1:7 nabbabbe; hakkiinni tenne xaꞌmo hasaabbe:
-
Guficho ikkannore qeele saꞌꞌate worbimma heedhannonke gede kaaꞌlannonkeri maati?
6. Yihowa kaaꞌlannoheta addaxxi
Yihowa iso hagiirsiisannore assatto gede kaaꞌlannohe. VIIDIYO laꞌe; hakkiinni aante noo xaꞌmuwa hasaabbe.
-
Viidiyote giddo, Qullaawu Maxaafi rosaanchi cuuamate hobbi ruxxi yaanno gede assinosiri maati?
-
Albinni roore Yihowa addaxxanno gede kaaꞌlitinositi maa afasiiti?
Isayaasi 41:10, 13 nabbabbe; hakkiinni tenne xaꞌmo hasaabbe:
-
Heeshshokki Yihowara sayisse aatto woyite eatto qaale wonsha dandaattota addaxxa dandaattohu mayiraati?
7. Yihowa baxillira noohe galati lexxanno gede assiꞌri
Yihowa mageeshshi geeshsha baxannohero heditto kiiro, isira noohe galati roore lexxanno; hegerera isira soqqamate noohe hasattono lexxitanno. Faarso 40:5 nabbabbe; hakkiinni tenne xaꞌmo hasaabbe:
-
Yihowa uyinonke atooti giddo ati roore dhagge assiꞌrattohu hiikkoyeti?
Masaalaanchu Ermiyaasi Yihowanna qaalesi lowo geeshsha baxanno; qoleno Yihowa suꞌminni woshshamasi lowo ayirrinye ikkitinota huwatino. Togo yiino: “Olantote Magano Kaaliiqa! . . . Ani ateha ikkoommo daafira [“suꞌmikkinni woshshamoommo daafira,” NW] qaalikki wodaniꞌyara hagiirrenna hisanyoote wonshinoe.” (Ermiyaasi 15:16) Aante noo xaꞌmuwara dawaro qoli:
-
Yihowa Farciꞌraasincho ikka lowo ayirrinye ikkitinohu mayiraati?
-
Cuuante Yihowa Farciꞌraasincho ikka hasiꞌratto?
-
Cuuamattokki gede assannoheri no?
-
Cuuamate maa assa hasiissannoheha lawannohe?
MITU MANNI TOGO YAANNO: “Cuuameemmo woyite eꞌꞌeemmo qaale wonsha dandeemmoha dilawannoe.”
-
Atino hatto yite hedatto?
XAPHISHSHA
Yihowa kaaꞌlonni, cuuamattokki gede guficho ikkannohere baalankare qeela dandaatto.
Kageeshsha Rosoottore
-
Cuuamattora albaanni Qullaawu Maxaafiti mageeshshi egenno hasiissannohe?
-
Cuuamattora albaanni maa maa biddi assiꞌra hasiissannoheha ikkara dandaanno?
-
Waajja guficho ikkitahera wodha hasiissannohekkihu mayiraati?
EGENNO LEXXI
Cuuamatto gede kakkayisannoheri maa ikka hasiissannosiro wodanchi.
Cuuamate hobbi ruxxi yaatto gede assahera dandaannoha mito coye qeelatto gara rosi.
“Cuuama Hoolannoeri Mayi No?” (Agarooshshu Shae, Badheessa 2019)
Mittu manchi cuuamannokki gede guficho ikkinosiha jajjabba coye qeele saꞌꞌa dandiino gara huwati.
Ataa yinanni manchi umi qara cuuamate hobbi ruxxi yiino. Isi tenne hasiissanno qaafo adhanno gede kaaꞌlinosiri maati?
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
