Kageeshsha rosoottore baxootto?
Qullaawa Maxaafa ledde xiinxalla hasiꞌratto?
Kageeshsha rosoottori Hegerera Hagiidhitanni Heeꞌra Dandaatto!—Qullaawa Maxaafa Xiinxalli yaanno maxaafira noo rosi giddo gamaholla.
Konni maxaafirano ikko xiinxallote woxe dibaaxxatto. Atera injiitannohe yannaranna basera Qullaawa Maxaafa xiinxallinseemmohe.
Tenne Qullaawu Maxaafi xiinxallo yannara, addi addi hajore rosatto. Kuri giddo gamu:
Heeshshote heeꞌneemmohu mayiraatiro
Addu keere afiꞌra dandiinanni gara
Maate hagiirru noota ikka dandiitanno gara
Qullaawu Maxaafi albillittete yanna daafira kulanno hexxo
Konne maxaafa afiꞌratenna Qullaawa Maxaafa ledde xiinxallate, Yihowa Farciꞌraasine giddo mitto hasaawisi; woy jw.org aana noo forme wonshite soyi.
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
