Konni Qullaawu Maxaafi rosinni roore horo afiꞌra dandaatto gara
Xiinxallinsannihe gede kuꞌli: Tenne biroshere uyinohe mancho Qullaawa Maxaafa xiinxallisie yii, woy jw.org/sid yinanni webisayitenke aana noo forme wonshite soyi.
UMI GAFA
Mitte mittenta gufo, duꞌminse borreessinoonni xaꞌmuwa (A), hattono qara hedo xawissanno qummeeshshuwa (B) nabbawi. Mitu qummeeshshira “nabbawi” yaannohu noota wodanchi.
MEREERI GAFA
Ledde Xiinxalli yaannohu hunda nooti umi hedo (C), aanchine hasaambanni roso xawissanno. Cinaancho birxichuwa (D) qara qara hedo kultanno. Qummeeshshuwa nabbawi, xaꞌmote dawaro qoli, hattono viidiyo (E) lai.
Misillanna misillate xawishsha (F) seekkite lai; qoleno Mitu Manni Togo Yaanno (G) yitanno hedora mayite qolattoro hedi.
JEEFOTE GAFA
Xaphishshunna Kageeshsha Rosoottore (H) yaannohu roso xaphi asse kulanno. Rosu goofino barra borreessiꞌri. Mixo (I) yaannohu hunda, rosoottore loosu aana hosiisatto gede woy ledde rosatto gede qummi assitanno hedo no. Egenno Lexxi (J) yaannohu hunda ledde nabbawanna laꞌꞌa dandaatto borronna viidiyubba no.
Qullaawu Maxaafi qummeeshsha faꞌna dandaatto gara
Qummeeshshu Qullaawu Maxaafi maxaafa (A), fooliishsho (B), hattono kiiro (C) kulanno. Lawishshaho, Yohaannisi 17:3 yaa Yohaannisi maxaafa, fooliishsho 17, kiiro 3 yaate.
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
