“Qullaawa Borro baalanti Maganu ayyaani marraino manni borreessinote.”—2 Ximootewosi 3:16, Haaro Alame Tiro.

Lowo geeshsha hasiissanno xaꞌmuwara dawaro afiꞌratto gede.​—Lawishsha 2:1-5.

Heeshshokki baalantera kaaꞌlitannohe amaale afiꞌratto gede.​—Faarso 119:105.

Konni kaꞌira huluullissannokki hexxo heedhannohe gede.​—Roomu Sokka 15:4.

Ee, ajayi ajeenna sasu coyi no:

• Isi isiniiwa sumuu yaannoho. Qullaawa Maxaafa 1,600 ikkanno diri giddo 40 meddi yaanno manni borreessino. Konni manni giddo rooru kuꞌu kuꞌuyi ledo horo xaadde diegentino. Ikkirono borreessitino maxaafi gudisire isi isiniiwa sumuu yaannoho, hattono mitte umo ikkitino assaawe amadinoho!

• Noore calla kultanno xagge. Duucha wote alamete xagge borreessitannori manninsa laanfe maaxxe saꞌanno. Qullaawa Maxaafa borreessituri kayinni uminsatanna gaꞌrensa laanfe maaxxukkinni borreessitino.—2 Zeena 36:15, 16; Faarso 51:1-4.

• Uulla ubbannokki masaalo. Qullaawu Maxaafi biꞌre Baabiloonete katami baꞌꞌannota mito 200 ikkanno diri gate heeꞌreenna masaalino. (Isayyaasi 13:17-22) Baabiloonete katami baꞌꞌanno gara calla ikkikkinni konne katama horranno manchi suꞌma nafa kulino!—Isayyaasi 45:1-3.

  Wole batinye Qullaawu Maxaafi masaalono hiliri gatikkinni woꞌmitino. Qullaawu Maxaafi Maganu Qaale ikkino daafira tini maalaꞌlinannita diꞌꞌikkitino.—2 Pheexiroosi 1:21.