JW Layibirereranna jw.org aana noohu “Haaruri Mayi No?” yaanno gafira haarote fultino borruwanna viidiyubba afiꞌra dandiinanni. Konni gafira fultannota haaro borruwanna viidiyubba afiꞌra dandaattohu hiittoonniiti?

• Haaru birxichi fulanno woyite, aante aantete fulanno birxicho haaroonsinanni. Hakko daafira “Haaruri Mayi No?” yaanno gafira aante aantete fulanno birxichi fulanno woyite, haarote fulino birxicho dirrisiꞌra dandiitinanni. Hakkiinni haaro birxicho, umoonni barru aante garinni worroonniwa afiꞌra dandiitinanni.

• Lawishshaho metseete mitte higgine nabbabbine guda hoogginara dandiitinanni. Nabbabbine guddinoonnikki borro mulenni afiꞌra dandiitinanni gede, nabbabbine guddina geeshsha hatte metseete Favorites yaannohu hunda wodha dandiitinanni.

Odoo, egensiishshanna wole mashalaqqe fushshinannihu JW Layibirere aana ikkikkinni jw.org webisayite aana callaati. Haarote fultino birxichuwa afiꞌrate ganyitine “Haaruri Mayi No?” yaanno gafa laꞌꞌa deꞌinoonte.