Xiinxallote Kaaꞌlitanno Hedo
Qaaqquulle Rosiisate Qixxeessinoonni Uduunnicho
Annuwanna amuuwaho shaaꞌꞌa ikkinokkihu qaaqquullensa Yihowa daafira rosiisate qeechi noonsa. (Efe. 6:4) Yihowa dirijjite annuwanna amuuwa kaaꞌlate batinye uduunnicho qixxeessitino. Qaaqquulleꞌne qajeelsate konne uduunnicho horoonsiꞌra dandiitinannihu hiittoonniiti?
JW.ORG aana hasidhe. JW.ORG aana oosoꞌnera qixxeessinoonnihu baalunku uduunnichi, lawishshaho viidiyubbanna addi addi borro no. a Konne uduunnicho afiꞌrate hasiꞌri yaanno bayicho “Qaaqquulle” yitine borreesse.
Qaaqqiꞌnera malinore doorre. “Qaaqquulle” yaannohu hunda qaaqqiꞌnera maltino viidiyo, faarso woy borro doora dandiitinanni.
Kuri coyibba qaaqquulliꞌne ledo hasaabbe. Kuri viidiyubbanna borruwa qaaqquulleꞌne godoꞌlishiishate calla horoonsidhinoonte. Hatteentenni konne uduunnicho qaaqqiꞌnera Yihowa ledo danchu jaaloomi heeꞌrannosi gede kaaꞌlate horoonsidhe.
a Xaa yannara JW Layibirere aana qaaqquulleho qixxeessinoonniti baalanti viidiyo nooha ikkirono, nabbambanni birxichi kayinni shiimulla no.