Faamasino 5:1-31
5 O le aso lenā na pepese+ faatasi ai Tepora+ ma Parako+ le atalii o Apinoamo, ua faapea atu:
2 “Auā ua faatautau lauulu* o toa o Isaraelu,Auā ua tauofo mai tagata,+Inā vivii atu ia iā Ieova!
3 Inā faalogologo mai ia outou tupu e! Ia faalogo mai foʻi outou o ta‘ita‘i!
Ou te pese lava iā Ieova.
Ou te fai pesega* iā Ieova+ le Atua o Isaraelu.+
4 Ieova e, ina ua e afio ese mai i Seira,+Ina ua e afio ese mai i le laueleele o Etoma,Na lūlūina le lalolagi, ma toʻulu ifo ai vai mai i le lagi,Na toʻulu ifo vai mai i ao.
5 Na liusuāvai* mauga i luma o Ieova,+E oo lava iā Sinai i luma o Ieova,+ le Atua o Isaraelu.+
6 I aso o Samekara+ le atalii o Anato,I aso o Iaeli,+ e leʻi toe uia ai auala;Na femalagaaʻi foʻi tagata i auala ʻalo.
7 Ua lē toe iai ni tagata e nonofo i nuu o Isaraelu;Ua lē toe iai seʻia ou tū atu, o aʻu o Tepora,+Seʻia ou tū atu o se tinā i Isaraelu.+
8 Na latou filifilia atua fou;+Ona pā ai lea o le taua i faitotoʻa.+
E leʻi vaaia se talita, po o se tao,I tagata e toʻa 40,000 i Isaraelu.
9 Ua uaʻi atu loʻu loto i taʻitaʻiʻau o Isaraelu,+O ē na tauofo o le nuu.+
Inā vivii atu ia iā Ieova!
10 O outou o ē e tiʻetiʻe i asini enaena,O ē e nonofo i kapeta lelei,Ma outou o ē e savavali i le ala,Inā manatunatu ia!
11 Ua lagona leo o ē e tufatufaina vai i mea e asu aʻe ai vai,O i inā ua latou manatua ai gaoioiga amiotonu a Ieova,O gaoioiga amiotonu a ona tagata o loo nonofo i nuu o Isaraelu.
Ona ō ifo lea o le nuu o Ieova i faitotoʻa.
12 Inā ala mai ia, ala mai ia, Tepora e!+
Inā ala mai ia, ala mai ia, ma usu se pese!+
Inā tulaʻi ia, Parako e!+ Ia taʻitaʻi ese au pagota, o oe na le atalii o Apinoamo!
13 Ona ō ifo lea o ē na totoe i alii sili;Ua ō ifo le nuu o Ieova iā te aʻu e faasagatau i ē e malolosi.
14 E mai i Efaraima le mea na latou tupuga mai ai, o ē e i le vanu;*E latou te mulimuli iā te oe Peniamina e, ma lou nuu.
E ō ifo taʻitaʻiʻau mai i Makiro,+E mai i Sepulona foʻi o ē tauaveina le tootoo o lē e aoaoina le ‘autau.*
15 Ua faatasi foʻi ma Tepora o perenise i Isakara,E pei ona faia e Isakara, e faapena fo‘i Parako.+
Na auina atu o ia e savali i le fanua laugatasi.*+
Na matuā suʻesuʻeina foʻi loto o ituaiga o Reupena.
16 Aiseā na e nofo ai i le vā o ato e ave ai avega,E faalogologo a o ili fagufagu a leoleo mamoe?+
Auā na matuā suʻesuʻeina loto o ituaiga o Reupena.
17 Na nofo pea Kiliata i le isi itu o Ioritana;+Aiseā foʻi na nofo ai pea Tanu i vaa?+
Na nofonofo Asera i le matafaga,Na ia nofo pea i le mea e taula ai vaa.+
18 O Sepulona o le nuu na lamatia o latou ola e oo i le oti;E faapena foʻi Nafatali+ i mea maualuluga.+
19 Na ō mai tupu, ma ua tau;O le mea lea na tau ai tupu o Kanana+I Tanaka e latalata i vai o Mekito.+
E latou te leʻi aveina ni siliva mai i le vete.*+
20 Na tau fetu mai i le lagi;Na latou tau ma Sesera mai i o latou ala.
21 Na tafefea i latou i le ālia o Kisona,+O le ālia o aso anamua, o le ālia o Kisona.
Ua ou solia foʻi o ē e malolosi.
22 O le mea lea na taʻetaʻei ai atigivae o solofanuaA o taufetuli saoasaoa ana solofanua malolosi.+
23 Ua fai mai le agelu a Ieova, ‘Ia malaia Merosa,Ia malaia o ē e nonofo ai,Auā na latou lē ō mai e fesoasoani iā Ieova,E fesoasoani iā Ieova e tau ma ē e malolosi.’
24 E sili ona manuia i fafine uma o Iaeli+Le avā a Kaveru+ le tagata Keni;E sili foʻi lona manuia i fafine e nonofo i faleʻie.
25 Na ia ōle atu i se vai, ona ia avane lea o le suāsusu;
I se ipu telē matagofie, na ia avatu ai le suāsusu toʻa.+
26 Na tago atu lona lima i le pine,Ma lona lima taumatau i le samala a se tagata galue.
Ona ia tā ai lea o Sesera, ua ia tutu‘i i lona ulu,Na ia tuʻi ma ua ati ai i ona manifinifi.+
27 Ua palasi o ia i le vā o ona vae, ua paʻū, ua taoto o ia;Ua palasi o ia i le vā o ona vae, ua paʻū o ia;O le mea na ia palasi ai, na oti ai lava o ia.
28 Ua vaavaai atu se fafine mai i le faamalama,Ua vaavaai atu le tinā o Sesera mai i le faamalama,‘Aiseā ua tuai mai ai lana kariota?
Aiseā ua tuai ai ona paʻōʻō mai uili o ana kariota?’+
29 Ua tali mai iā te ia o ē e sili ona atamamai o ona tamaʻitaʻi;Ioe, e talanoa lava o ia iā te ia,
30 ‘Ai o tufatufa le vete na latou mauaina,E toʻatasi pe to‘alua teine* mo toa ta‘ito‘atasi,O ʻie lanu eseese mo Sesera mai i le vete, o ʻie lanu eseese mai i le vete,O se ofu teuteu, o se ʻie lanu eseese, ma ofu teuteu e luaMo ua o ē faomea.’
31 Ieova e, ia faapea ona fano ou fili uma,+Ae ia avea ē e alolofa iā te oe e pei o le malosi o le susulu o le lā.”
Ona filemu ai lea o le laueleele mo tausaga e 40.+
Faamatalaga Pito i Lalo
^ Atonu o se faailoga lea o se tautoga po o se ta‘utinoga i le Atua.
^ Po o le “tā ma usuina pese.”
^ Pe atonu “lūlūina.”
^ Pe atonu “o ē e tausia meafaigaluega a se tusiupu.”
^ Po o “le fanua laugatasi.”
^ E faasino atu i le fanua laugatasi i le pito i lalo o se vanu.
^ Tagaʻi i le Uiga o Upu.
^ Epe., “faaautama.”
