Le Pese a Solomona 3:1-11
3 “I luga o loʻu moega i pō,Na ou saʻili ai i lē ua ou alofa i ai.+
Na ou saʻili iā te ia, ae ou te leʻi maua o ia.+
2 Ou te tulaʻi ma fealuaʻi solo i le aai;I auala ma nofoaga faitele,Se‘i o‘u saʻili i lē ua ou alofa i ai.
Na ou saʻili iā te ia, ae ou te leʻi maua o ia.
3 Na maua aʻu e tagata vāai na feoaʻi solo i le aai.+
Na ou fesili atu iā i latou, ‘Pe na outou vāai ea i lē ua ou alofa i ai?’
4 E leʻi leva lava ona ou teʻa ese mai iā i latou,Ae ou mauaina loa lē ua ou alofa i ai.
Na ou taofimau iā te ia ma ou te leʻi tuuina o iaSeʻia ou ave iā te ia i le fale o loʻu tinā,+I totonu o le potu o lē na afuafuaina aʻu.
5 Tama fafine a Ierusalema e, ou te faatautō iā te outouI sevi ma ʻaila o le fanua:
Aua neʻi outou taumafai e fafagu pe faagaee le alofa i totonu iā te aʻu, seʻia faitalia lava ia.”+
6 “O le ā lenā mea e alu aʻe mai i le toafa* e pei o se asu faaniutū,Ua faamanogiina i le muro ma le lipano,*Ma pauta manogi uma a lē e faatauʻoa?”+
7 “Faauta! O le moega o Solomona.
E toʻaono sefulu tane malolosiMai i tane malolosi o Isaraelu,+ o loo siʻomiaina,
8 E tofu i latou uma ma le pelu,Ua aʻoaʻoina i latou uma i le taua,E tofu le tagata ma lana pelu i lona ituIna ia puipui ai mai i mea mata‘utia i le pō.”
9 “O le fata* a le tupu o SolomonaNa ia faia mo ia lava mai i laau o Lepanona.+
10 O ona pou ua ia faia i le siliva,A o ona lagolago ua faia i le auro.
O lona nofoa ua faia i le fulufulu mamoe lanu violē;A o totonu ua teuteuina ma le alofaE tama fafine a Ierusalema.”
11 “Tama fafine a Siona e, inā ō atu ia,Ia vaavaai i le tupu o SolomonaO loo fai le pale o le faaipoipoga na faia e lona tinā mo ia+I le aso o lana faaipoipoga,Ma le aso na olioli ai lona loto.”
Faamatalaga Pito i Lalo
^ Tagaʻi i le Uiga o Upu.
^ Tagaʻi i le Uiga o Upu.
^ O se nofoa ua uma ona ufiufi, lea e faaaogā e amo ai se tagata tāua.
