Le Pese a Solomona 8:1-14
-
Le tama‘ita‘i talavou (1-4)
-
“Ma‘imau pe ana pei oe o soʻu tuagane” (1)
-
-
Tuagane o le tamaʻitaʻi talavou (5a)
-
‘O ai lenei o loo faalagolago i lana pele?’
-
-
Le tama‘ita‘i talavou (5e-7)
-
“Ua malosi le alofa e pei o le oti” (6)
-
-
Tuagane o le tamaʻitaʻi talavou (8, 9)
-
“Afai o se pā o ia, . . . ae afai o se faitotoʻa o ia, . . .” (9)
-
-
Le tama‘ita‘i talavou (10-12)
-
“O aʻu nei o le pā” (10)
-
-
Leoleo mamoe (13)
-
‘Seʻi oʻu faalogo atu i lou leo’
-
-
Le tama‘ita‘i talavou (14)
-
“Ia televave e pei o se sevi”
-
8 “Ma‘imau pe ana pei oe o soʻu tuagane,O lē na susu i susu o loʻu tinā!
Ona ou sogi atu lea iā te oe pe a ou maua oe i fafo,+Ma e lē ʻinoʻino mai ai tagata iā te aʻu.
2 Ou te taʻitaʻi iā te oe;Ou te aumaia oe i le fale o loʻu tinā,+O lē na aʻoaʻo mai iā te aʻu.
Ou te avatu iā te oe le uaina ua sui i mea manogi e te inu ai,O le sua o rimoni fou.
3 Ua i lalo o loʻu ulu lona lima tauagavale,Ma ua fusi mai foʻi iā te aʻu lona lima taumatau.+
4 Tama fafine a Ierusalema e, ou te faatautō iā te outou:
Aua neʻi outou taumafai e fafagu pe faagaee le alofa i totonu iā te aʻu, seʻia faitalia lava ia.”+
5 “O ai lenei o loo alu aʻe mai i le toafa,O loo faalagolago i lana pele?”
“Na ou fafagu iā te oe i lalo o le apu.
O i inā na faatigā ai lou tinā iā te oe.
O i inā na lagona ai e lē na fanauina oe tigā o le a fanau.
6 Ia e tuu aʻu e pei o se faamaufaailoga i lou loto,E pei o se faamaufaailoga i lou lima,Auā ua malosi le alofa e pei o le oti,+O le faamaoni foʻi e maumauaʻi e pei o le Tuugamau.*
O lona mumū e pei o le mumū o le afi, o le afi mū saesae a Ioa.*+
7 E lē mafai e vai e tele ona tineia le alofa,+E lē mafai foʻi ona tafiesea e vaitafe.+
Afai e avatu e se tagata ‘oa uma mai i lona fale ina ia alofagia ai o ia,E matuā inosia lava na mea* e tagata.”
8 “E iai lo matou tuafafine laʻitiiti+Ma e leai ni ona susu.
O le ā se mea e matou te faia mo lo matou tuafafine,I le aso e sau ai se tasi e faamalamalama iā te ia?”
9 “Afai o se pā o ia,E matou te atiaʻe i ona luga se pā siliva;Ae afai o se faitotoʻa o ia,E matou te pupuni iā te ia i se laupapa arasi.”
10 “O aʻu nei o le pā,Ma o oʻu susu ua pei o ni ʻolo.
O lea, i lana vaai ua avea aʻuE pei o lē ua mauaina le filemu.
11 Sa iai se togāvine a Solomona+ i Paala-amoni.
Na ia tuuina atu le togāvine i ē e leoleoina.
E taʻitoʻatasi i latou ma aumai tupe siliva e afe mo ona fua.
12 E iai loʻu togāvine, o aʻu lava e ona.
Solomona e, e fai mo oe tupe siliva e afe,*Ae o le lua selau e fai mo i latou o loo leoleoina ona fua.”
13 “O oe lenā o loo nofo i togālaau,+O loo faalogologo mai o ē ua faatasi ma oe i lou leo.
Seʻi oʻu faalogo atu i ai.”+
14 “Laʻu pele e, inā faavave ia,Ma ia televave e pei o se sevi+Po o se tamaʻi ʻailaI luga o mauga o loo ola ai laau o mea manogi.”
Faamatalaga Pito i Lalo
^ Po o “Seoli.” Tagaʻi i le Uiga o Upu.
^ O “Ioa” o le faapuupuuga o le suafa o Ieova.
^ Pe atonu “o ia.”
^ Epe., “le afe.”
