Sakaria 14:1-21
14 “Faauta! O le a oo mai le aso, o le aso lea o Ieova, e vaevaeina ai i lou* lotolotoi au oloa o le a vetea.
2 Ou te faapotopotoina atunuu uma e siitaua iā Ierusalema; e faatoʻilaloina foʻi le aai ma faoa fale ma tatoso faamalosi fafine. E ave faapagota le ʻafa o le aai, a o ē e totoe o le nuu, e lē faaumatiaina i latou mai i le aai.
3 “E afio atu Ieova ma tau faasaga i na atunuu+ e pei ona tau o ia i le aso o se taua.+
4 O lea aso, e tū ona aao i luga o le mauga o Olive,+ o loo feagai ma Ierusalema i le itu i sasaʻe; ona vaeluaina ai lea o le mauga o Olive, e mai i le itu i sasa‘e* e oo atu i le itu i sisifo,* ma maua ai se vanu e telē lava; ma o le a siitia le ʻafa o le mauga i le itu i mātū a o le isi ʻafa i le itu i saute.
5 E tou te sosola i le vanu o loo i oʻu mauga, auā e oo atu lava le vanu o mauga i Aselu. E tou te sosola foʻi e pei ona outou sosola ona o le mafuiʻe i aso o Usia le tupu o Iuta.+ E afio mai Ieova loʻu Atua faatasi ma le ʻaupaia uma.+
6 “O lea aso, o le a lē toe susulu se malamalama e tāua,+ o le a malō mea uma ona o le mālūlū.
7 O le a iloa ai foʻi o le aso lea o le aso o Ieova.+ E lē o le ao, e lē o le pō foʻi; ae a oo i le afiafipō o le a iai le malamalama.
8 O lea aso, o le a tafe mai ai le vai ola+ mai i Ierusalema,+ e tafe le tasi ʻafa i le sami i sasaʻe*+ ma le isi ʻafa e tafe i le sami i sisifo.*+ O le a tupu lea mea i le tau māfanafana ma le tau mālūlū.
9 E fai Ieova ma Tupu i le lalolagi uma.+ O lea aso, o le a iloa ai e toʻatasi lava Ieova,+ ma e tasi lona suafa.+
10 “O le a avea le laueleele atoa e pei o Arapa,*+ e mai i Kepa+ e oo atu i Rimoni+ i le itu i saute o Ierusalema; ma e tulaʻi o ia ma toe nonofo ai lona nuu iā te ia,+ e mai i le Faitotoʻa o Peniamina+ e oo atu lava i le mea ua iai le Faitotoʻa Muamua, e oo atu foʻi i le Faitotoʻa o le Tulimanu, ma e mai i le ʻOlo o Hananiali+ e oo atu lava i mea e soli ai vine* a le tupu.
11 O le a nonofo ai tagata; e lē toe taʻusalaina lava lenei aai mo le faaumatiaga,+ ma e nofoia Ierusalema ma le saogalemu.+
12 “O le mala lenei o le a faamalaia ai e Ieova nuu uma e siitaua atu iā Ierusalema:+ E pala o latou tino a o tutū i o latou vae, e pala o latou mata i mea e tutū ai, ma e pala o latou laulaufaiva i o latou gutu.
13 “O lea aso, o le a matuā tele ai le fenuminumiaʻi o i latou mai iā Ieova; ona taʻitasi ai lea ma uu e le tasi o le lima o lona tuaoi, ma e sii aʻe lona lima e faasagatau i le lima o lona tuaoi.*+
14 O le a tau foʻi Iuta i le mea ua iai Ierusalema; e faaputuina foʻi le tamaoaiga o atunuu uma o loo siʻosiʻomia ai, o auro, o siliva ma ofu e matuā tele lava.+
15 “O le a oo mai fo‘i le mala e pei o lea mala i solofanua, i miula, i kamela, i asini, ma lafumanu uma i ia togālauapi.
16 “O ē uma e totoe mai i atunuu uma o loo faasagatau iā Ierusalema, e ō a‘e i lea tausaga ma lea tausaga+ e ifo* i le Tupu, o Ieova o ʻau,+ ma faamanatu le Tausamiga o Fale Lauvao.*+
17 A o lē e lē alu aʻe i Ierusalema mai i aiga o le lalolagi e ifo i le Tupu, o Ieova o ʻau, o le a lē faatotōina ifo i ai le timu iā i latou.+
18 Afai e lē ō aʻe tagata o Aikupito ma ō mai i lea mea, e leai foʻi se timu e faatotō ifo iā i latou. Nai lo o lea, o le a oo i ai le mala lea e faamalaia ai e Ieova atunuu e lē ō aʻe e faamanatu le Tausamiga o Fale Lauvao.
19 O le faasalaga lenei ona o le agasala a Aikupito, ma agasala a atunuu uma e lē ō aʻe e faamanatu le Tausamiga o Fale Lauvao.
20 “O lea aso, o le a tusia i luga o logo o solofanua le faaupuga, ‘E Paia Ieova!’+ O ulo*+ i le fale o Ieova o le a pei o ipu faaofuofu+ i luma o le fata faitaulaga.
21 O ulo uma foʻi* i Ierusalema ma Iuta e avea ma mea paia ma e fai mo Ieova o ʻau, ma o i latou uma o ē e fai taulaga e ō mai ma faaaogā nisi ulo e tunu ai mea. O lea aso, o le a lē toe iai se tagata Kanana* i le fale o Ieova o ʻau.”+
Faamatalaga Pito i Lalo
^ E faasino atu i le aai o loo taʻua i le fuai. 2.
^ Po o le “e mai i le mea e oso aʻe ai le lā.”
^ Epe., “le sami.”
^ E faasino atu i le Metitirani.
^ E faasino atu i le Sami Mate.
^ Po o “mea e tali ai suāvine.”
^ Po o “le fanua laugatasi o le toafa.”
^ Po o le “ma e osofaʻi e le tasi le isi.”
^ Po o “Apitaga Lē Tumau.”
^ Po o le “tapuaʻi.”
^ Po o “ulo e tetelē gutu.”
^ Po o “ulo uma foʻi e tetelē gutu.”
^ Pe atonu “se tagata faatauʻoa.”