Sapakuka 3:1-19
3 O le tatalo a le perofeta o Sapakuka, na lagi o se pese faanoanoa:*
2 Ieova e, ua ou faalogo i le faamatalaga e uiga iā te oe.
Ieova e, ua ou mata‘u ona o au galuega.
Ia e toe faaolaolaina au galuega i ia tausaga!*
Ia e faailoa mai i ia tausaga.*
Tau ina ia e manatua e faaalia le alofa mutimutivale i le taimi o le atuatuvale.+
3 Na afio mai le Atua mai i Timanu,Na afio mai foʻi Lē e Paia mai i le mauga o Parana.+ (Selā)*
Sa ufitia le lagi i lona mamalu;+Sa tumu foʻi le lalolagi i lona viiga.
4 O lona pupula sa pei o le lā.+
Sa ō mai ave e lua mai i lona aao,Ma sa lilofia ai i inā lona mana.
5 Sa muamua atu i ona luma le faamaʻi,+Ma na mulimuli atu i ona vae le fiva maualuga.
6 Sa tū o ia ma lūlūina le lalolagi.+
Na silasila mai o ia, ma na tuli oso ai atunuu.+
Sa matuā nutililiia mauga o le vavau,Sa ifo mai foʻi aʻega mai anamuā.+
O ona ala ia e mai anamuā lava.
7 Na ou vaai i faafitauli i faleʻie o Kuso.
Na gatete ʻie o faleʻie o le laueleele o Mitiana.+
8 Ieova e, pe e te faasagatau ea i vaitafe,Po ua matuā aasa lou toʻasā i vaitafe?
Po o faasagatau ea lou toʻatamaʻi i le sami?+
Auā na e ti‘eti‘e i au solofanua;+O au kariota foʻi na manumalo.*+
9 Ua e aveese lau ‘aufana, ma ua e sauni e fana.
Na tofia tao* i se tautoga.* (Selā)
Sa e vaevaeina le laueleele i vaitafe.
10 Na matuā tigā mauga ina ua vāai iā te oe.+
Na tafe ane le tafega mai i timuga mamafa.
Na gogolo mai le leo o vai loloto.+
Na sisii i luga ona lima.
11 Sa tutū pea le lā ma le masina i le mea maualuga ua mau ai.+
Na ō atu au aū e pei o le malamalama.+
O le uila o lau tao na fai ma malamalama.
12 Sa e afio ane i le lalolagi ma le toʻatamaʻi.
Sa e solia atunuu i lou toʻasā.
13 Sa e afio atu e faaola i lou nuu, ma faaolaina lē na e faauuina.
Na e nutililiia le ta‘ita‘i* o le fale o lē e amioleaga.
Na faaleagaina le fale mai i le faavae e oo lava i le taualuga.* (Selā)
14 Na e tatui ulu o ona toa i ana lava auupega*Ina ua latou faavave mai e faataapeape iā te aʻu.
Sa latou matuā fiafia e faaumatia faalilolilo lē ua puapuagatia.
15 Sa e afio i totonu o le sami ma au solofanua,Sa e asa fo‘i galu maualuluga o le vasa tele.
16 Na ou faalogo, ona ou gatete ai lea;*O le leo na gatete ai oʻu laugutu.
Ua oo mai ai le pala i oʻu ivi;+Na tetete oʻu vae.
Ae ua ou faatalitali ma le filemu mo le aso o le puapuaga,+Auā e oo mai lava i tagata e osofaʻia i tatou.
17 E ui ina lē fuga mai le matiMa lē fua mai le vine;E ui ina iʻuvale foʻi fua o le laau o le olive,Ma lē tupu mai ni mea e ʻai mai i fanua;*E ui ina faaumatia le lafu mamoe mai i le lotoā,Ma leai ni lafu povi i falepovi;
18 A o aʻu ou te olioli iā Ieova;Ou te fiafia i le Atua o loʻu faaolataga.+
19 O Ieova le Alii Pule Silisili Ese, o loʻu malosi ia;+E na te faia oʻu vae e pei o vae o le ʻaila,O ia foʻi ou te savali ai i mea maualuluga.+
Faamatalaga Pito i Lalo
^ Po o “se pese o auega.”
^ Pe atonu “i o matou taimi!”
^ Pe atonu “i o matou taimi.”
^ Tagaʻi i le Uiga o Upu.
^ Po o “o le faaolataga.”
^ Pe atonu “aū.”
^ Pe atonu “Na faia tautoga a ituaiga.”
^ Epe., “ua.”
^ Epe., “ulu.”
^ Epe., “ana tao.”
^ Epe., “ona tete ai lea o loʻu manava.”
^ Po o “fanua malifa.”
