Pe Mafai Ona Toe Feola Mai Ē ua Maliliu?
Pe e te faapea mai . . .
ioe?
leai?
atonu?
MANATU O LE TUSI PAIA
“E toetutū mai tagata amiotonu ma tagata amiolētonu.”—Galuega 24:15, Faaliliuga a le Lalolagi Fou.
AOGĀ E TE MAUA MAI AI
Faamāfanafanaga pe a maliu sē e pele.—2 Korinito 1:3, 4.
Sa‘oloto mai ai i le fefe i le oti.—Eperu 2:15.
Le faamoemoe moni o le a toe feiloa‘i i ē pele iā te oe ua maliliu.—Ioane 5:28, 29.
PE MAFAI ONA TATOU TALITONU MONI I LE TUSI PAIA?
Ioe, mo ni māfuaaga se tolu:
O le Atua o Lē na Foafoaina le ola. O loo ta‘ua i le Tusi Paia Ieova o ia o le “puna o le ola.” (Salamo 36:9; Galuega 17:24, 25) Ona o Ia na tuuina le ola i meafaiola uma, e mautinoa la e mafai ona ia toe faafo‘i le ola i se tasi ua maliu.
Na toe faatūina e le Atua tagata i aso ua mavae. E valu taimi o loo ta‘ua ai i le Tusi Paia ni tagata na toe faatutū mai le oti, o talavou, o ē matutua, o tane ma fafine. O nisi na maliliu mo na o se taimi puupuu, ae e to‘atasi sa iai i le tuugamau mo aso e fā!—Ioane 11:39-44.
E naunau le Atua e toe faia faapea. E ‘ino‘ino Ieova i le oti; e silasila i ai o se fili. (1 Korinito 15:26) E “matuā naunau” o ia e faato‘ilalo lenā fili, i le tafiesea lea e ala i le toetū. E finagalo o ia e toe faatutū mai ē ua maliliu ma silasila atu ua toe feola i le lalolagi.—Iopu 14:14, 15.
IA MAFAUFAU I AI
Aiseā ua tatou ola matutua ai ma feoti?
O loo taliina i le Tusi Paia lenā fesili i le KENESE 3:17-19 ma le ROMA 5:12.
E te Ono Fiafia Foʻi
A'OA'OGA FAALE-TUSI PAIA
O le ā le Tulaga o Ē ua Maliliu?
Na folafola mai i le Tusi Paia le taimi o le a faatutūina mai ai le toʻatele o tagata mai i le oti e pei lava o le mea na fai iā Lasalo.
TALIINA O FESILI FAALE-TUSI PAIA
O le ā le Toetū?
E te ono maofa iā i latou o le a toe faatutūina mai i le lumanaʻi.
LE OLOMATAMATA
E Faapefea Ona E Mautinoa i le Faamoemoe mo Ē ua Maliliu?
E lua māfuaaga mautinoa o loo taʻua i le Tusi Paia e tatou te talitonu ai i le toetū.
MOLIMAU A IEOVA
Aiseā e Suʻesuʻe ai le Tusi Paia?
Ua saunia mai e le Tusi Paia tali i fesili tāua o le olaga mo le faitau miliona o tagata i le lalolagi aoao. Pe e te manaʻo e avea oe ma se tasi o i latou na?
AʻOAʻOGA A LE TUSI PAIA
Faataʻitaʻi Ona Suʻesuʻe le Tusi Paia
Ia faataʻitaʻi le suʻesuʻeina o le Tusi Paia e aunoa ma se totogi faatasi ma se faiaʻoga.
