O le ā Lau Vaaiga i le Tusi Paia?
Pe e te faapea mai o . . .
-
se tusi a tagata atamamai?
-
se tusi o uputuu ma talafatu?
-
le Afioga a le Atua?
MANATU O LE TUSI PAIA
“O Tusitusiga Paia uma e mai i le agaga o le Atua.”—2 Timoteo 3:16, Faaliliuga a le Lalolagi Fou.
AOGĀ E TE MAUA MAI AI
Tali faamalieloto i fesili tāua o le olaga.—Faataoto 2:1-5.
Taʻiala maufaatuatuaina mo le olaga i aso taʻitasi.—Salamo 119:105.
Faamoemoe moni mo le lumanaʻi.—Roma 15:4.
PE MAFAI ONA TATOU TALITONU MONI I LE TUSI PAIA?
Ioe, mo ni māfuaaga se tolu:
-
Autasi mataʻina. Na tusia le Tusi Paia i se vaitaimi e silia i le 1,600 tausaga, e ni tagata eseese e 40. O le toʻatele o i latou e leʻi feiloaʻi muamua le tasi i le isi. Peitaʻi, e autasi le tusi atoa ma e tasi lona matua autū!
-
E faamaoni ona tusitala. E lē taʻua e tusitala o le talafaasolopito o le lalolagi, le faatoʻilaloina o o latou tagatānuu. Peitaʻi, o tusitala o le Tusi Paia, e latou te taʻua ma le saʻo o latou masei, faapea masei o o latou tagatānuu.—2 Nofoaiga a Tupu 36:15, 16; Salamo 51:1-4.
-
Valoaga maufaatuatuaina. I le pe ā ma le 200 tausaga muamua atu, na valoia ai i le Tusi Paia le paʻū o le aai o Papelonia anamua. (Isaia 13:17-22) E lē gata na taʻu mai le auala o le a faatoʻilalo ai Papelonia, ae faapea foʻi le igoa o lē o le a ia faatoʻilaloina.—Isaia 45:1-3.
E tele foʻi isi valoaga o le Tusi Paia na faataunuuina e oo lava i nai vala lāiti. Ma o le mea moni lenā e tatou te faatalitalia e uiga i le Afioga a le Atua.—2 Peteru 1:21.
IA MAFAUFAU I AI
E mafai faapefea e le Afioga a le Atua ona faaleleia atili lou olaga?
O loo taliina i le Tusi Paia lenā fesili i le ISAIA 48:17, 18 ma le 2 TIMOTEO 3:16, 17.
E te Ono Fiafia Foʻi
TALIINA O FESILI FAALE-TUSI PAIA
O le ā le Tusi Paia?
Amata ona e aʻoaʻoina le feʻau mai i le Atua po o le afioga a le Atua.
TALIINA O FESILI FAALE-TUSI PAIA
O ā Mea e Manaʻomia Ona E Faia Ina ia Malamalama ai i le Tusi Paia?
E tusa po o lē a lava lou talaaga, e mafai ona e malamalama i le feʻau a le Atua o loo i le Tusi Paia.
A'OA'OGA FAALE-TUSI PAIA
Pe e Saʻo Aʻiaʻi le Tusi Paia?
Afai o le Tusi Paia e mai le Atua, e tatau la ona sili atu i lo o se isi lava tusi.
MOLIMAU A IEOVA
Aiseā e Suʻesuʻe ai le Tusi Paia?
Ua saunia mai e le Tusi Paia tali i fesili tāua o le olaga mo le faitau miliona o tagata i le lalolagi aoao. Pe e te manaʻo e avea oe ma se tasi o i latou na?
MOLIMAU A IEOVA
Talosaga mo se Asiasiga
Ia talanoa se fesili faale-Tusi Paia, pe aʻoaʻo atili e faatatau i Molimau a Ieova.
