Ndiani Ari Kutonga Pasi Rese?
Unofunga kuti . . .
-
ndiMwari here?
-
vanhu here?
-
ndiSatani here?
BHAIBHERI RINOMBOTII?
“Satani ndiye anotonga pasi pano.”—1 Johani 5:19, Bhaibheri Rinoera.
‘Mwanakomana waMwari akauya . . . kuzoparadza mabasa aSatani.’—1 Johani 3:8, Bhaibheri Rinoera.
ZVARINOTAURA ZVINGAKUBATSIRA SEI?
Uchawana tsanangudzo dzinonzwisisika dzekuti matambudziko ari munyika ari kubva kupi.—Zvakazarurwa 12:12.
Uchawana chikonzero chekutenda kuti nyika ino ichachinja, yonaka.—1 Johani 2:17.
TINGANYATSOBVUMA ZVINOTAURWA NEBHAIBHERI HERE?
Hongu. Tine zvikonzero zvitatu zvinoita kuti tidaro:
-
Utongi hwaSatani hahuna kwahuchasvika. Jehovha haasi kuzosiya Satani achiramba achitonga vanhu. Anovimbisa ‘kuparadza Dhiyabhorosi,’ obvisa zvakaipa zvese zvakakonzerwa naSatani.—VaHebheru 2:14, Bhaibheri—Shanduro yeNyika Itsva.
-
Mwari akasarudza Jesu Kristu kuti atonge nyika. Jesu akasiyana zvachose nemutongi wenyika ariko iye zvino ane utsinye, anongotsvaga zvakamunakira. Achitaura nezveutongi hwaJesu, Mwari akavimbisa kuti: “Achanzwira tsitsi munhu akaderera uye murombo . . . Achavanunura pakudzvinyirirwa nepakurwiswa.”—Pisarema 72:13, 14.
-
Mwari haanyepi. Bhaibheri rinonyatsoti: ‘Hazvibviri kuti Mwari areve nhema.’ (VaHebheru 6:18) Kana Jehovha akavimbisa kuita chimwe chinhu, zvakangofanana nekuti atochiita! (Isaya 55:10, 11) “Mutongi wenyika ino achadzingwa.”—Johani 12:31.
ZVEKUFUNGA NEZVAZVO
Nyika ichange yaita sei kana mutongi wayo abviswa?
Bhaibheri rinopindura mubvunzo iwoyo pana PISAREMA 37:10, 11 naZVAKAZARURWA 21:3, 4.
Zvimwe Zvaunogona Kufarira
NHARIREYOMURINDI
Nei Zvakaoma Kuti Panyika Pave Nerugare?
Pasinei nezvinoedza kuitwa nevakawanda, vanhu havasi kukwanisa kuita kuti panyika pave nerugare. Ona kuti nei.
ESSENTIAL BIBLE TEACHINGS
Nei Mwari Achibvumira Kutambura?
Vanhu vakawanda vanobvunza kuti nei nyika yakazara kuvengana uye kutambura. Bhaibheri rinopa mhinduro inogutsa uye inonyaradza.
MIBVUNZO YEBHAIBHERI INOPINDURWA
Dhiyabhorosi Munhu Chaiye Here?
Dhiyabhorosi munhu chaiye here kana kuti uipi huri muvanhu?
NHARIREYOMURINDI
Tinofanira Kutya Satani Here?
Pane zvinhu zvina zvinobva kuna Mwari, zvinokubatsira kukunda Satani.
NEZVEDU
Nei Uchifanira Kudzidza Bhaibheri?
Bhaibheri riri kupa mhinduro dzemibvunzo inokosha muupenyu kumamiriyoni akawanda evanhu panyika. Unodawo here kubatsirwa?
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.
