Chii Chinodiwa Kuti Mhuri Ifare?
Unofunga kuti . . .
-
rudo here?
-
imari here?
-
chimwewo chinhu here?
BHAIBHERI RINOMBOTII?
“Vanofara ndevaya vanonzwa shoko raMwari vorichengeta!”—Ruka 11:28, Bhaibheri—Shanduro yeNyika Itsva.
ZVARINOTAURA ZVINGAKUBATSIRA SEI?
Uchawana rudo rwechokwadi.—VaEfeso 5:28, 29.
Uchanyatsoremekedzwa.—VaEfeso 5:33.
Hauzotyi kuti mhuri yako ingaparara.—Mako 10:6-9.
TINGANYATSOBVUMA ZVINOTAURWA NEBHAIBHERI HERE?
Hongu. Tine zvikonzero zviviri zvinoita kuti tidaro:
-
Mwari ndiye akatanga mhuri. Bhaibheri rinoti “mhuri dzese . . . dzinowana mazita adzo” kuna Jehovha Mwari. (VaEfeso 3:14, 15) Izvi zvinoreva kuti Jehovha ndiye akaita kuti pave neurongwa hwemhuri. Nei izvi zvichikosha?
Ngatitii uri kudya zvekudya zvinonaka. Kana uchida kuziva zvakashandiswa pakuzvibika unobvunza ani? Zvine musoro kuti ubvunze akazvibika wacho.
Saka kana tichidawo kuziva zvinodiwa kuti mhuri ifare, tinobvunza Jehovha, uyo akatanga urongwa hwemhuri.—Genesisi 2:18-24.
-
Mwari anokuda. Zvakanaka kuti mhuri dzitsvage mazano kuna Jehovha, uyo anopa mazano acho achishandisa Shoko rake. Sei achidaro? ‘Nekuti ane hanya newe.’ (1 Petro 5:6, 7) Jehovha anokuda nemwoyo wese, uye mazano ake anoshanda nguva dzese!—Zvirevo 3:5, 6; Isaya 48:17, 18.
ZVEKUFUNGA NEZVAZVO
Ungava sei murume, mudzimai kana kuti mubereki akanaka?
Bhaibheri rinopindura mubvunzo iwoyo pana VAEFESO 5:1, 2 naVAKOROSE 3:18-21.
Zvimwe Zvaunogona Kufarira
MUKAI!
Mazano Anobatsira Kuti Mhuri Ifare
Zvii zvingaitwa nevarume, madzimai, vabereki nevana kuti vafare mumhuri?
MIBVUNZO YEBHAIBHERI INOPINDURWA
Bhaibheri Rinotii Nezvewanano?
Mazano ari muBhaibheri anogonawo kubatsira vakaroorana kuti vasanetsana kana kuti vagadzirise zvinhu zvinenge zvichinetsa.
MIBVUNZO YEBHAIBHERI INOPINDURWA
Bhaibheri Rinogona Kundibatsira Here Kuva Nemhuri Inofara?
Mazano ouchenjeri anobva muBhaibheri akabatsira varume nevakadzi vakawanda kuti vafare mumhuri.
MUKAI!
Mhuri Dzinofara—Kushanda Pamwe Chete
Muri kugara muimba imwe chete asi muchiita mazvake mazvake here?
NEZVEDU
Nei Uchifanira Kudzidza Bhaibheri?
Bhaibheri riri kupa mhinduro dzemibvunzo inokosha muupenyu kumamiriyoni akawanda evanhu panyika. Unodawo here kubatsirwa?
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.
