Chii Chinonzi Umambo hwaMwari?
Unofunga kuti . . .
-
chinhu chiri mumwoyo mako here?
-
kutaura kwedimikira here?
-
ihurumende iri kudenga here?
BHAIBHERI RINOMBOTII?
“Mwari wekudenga achaita kuti pave neumambo husingazomboparadzwi.”—Dhanieri 2:44, Bhaibheri—Shanduro yeNyika Itsva.
“Tapiwa mwanakomana; uye hurumende ichava papfudzi rake.”—Isaya 9:6; mashoko emuzasi.
ZVARINOTAURA ZVINGAKUBATSIRA SEI?
-
Hurumende yacho yakanaka inogona kukubatsira iwe pachako.—Isaya 48:17, 18.
-
Uchava neutano hwakanakisisa uye mufaro munyika itsva iri kuuya.—Zvakazarurwa 21:3, 4.
TINGANYATSOBVUMA ZVINOTAURWA NEBHAIBHERI HERE?
Hongu. Tine zvikonzero zviviri zvinoita kuti tidaro:
-
Jesu akaratidza zvichaitwa neUmambo hwaMwari. Jesu akadzidzisa vateveri vake kuti vanyengeterere kuti Umambo hwaMwari huuye uye kuti kuda kwaMwari kuitwe panyika. (Mateu 6:9,10) Jesu akaratidza mapindurirwo achaitwa munyengetero iwoyo.
Paaiva panyika, Jesu akapa zvekudya vanhu vaiva nenzara, akaporesa vairwara uye akamutsa vakafa! (Mateu 15:29-38; Johani 11:38-44) SeMutongi weUmambo hwaMwari, Jesu akaratidza muchidimbu zvinhu zvakanaka zvichaitirwa vanhu vanenge vachitongwa neUmambo ihwohwo.—Zvakazarurwa 11:15.
-
Zviri kuitika panyika zvinoratidza kuti Umambo hwaMwari hwava pedyo nekuuya. Jesu akataura kuti Umambo pahunenge hwava pedyo nekuunza rugare panyika, nyika yese ichatambudzwa nehondo, nzara, uye kudengenyeka kwenyika.—Mateu 24:3, 7.
Izvozvo ndizvo chaizvo zviri kuitika mazuva ano. Saka tinogona kuva nechivimbo chekuti Umambo hwaMwari hwava pedyo nekupedza matambudziko ese iwayo.
ZVEKUFUNGA NEZVAZVO
Upenyu huchange hwakaita sei Umambo hwaMwari pahunenge hwava kutonga?
Bhaibheri rinopindura mubvunzo iwoyo pana PISAREMA 37:29 naISAYA 65:21-23.
Zvimwe Zvaunogona Kufarira
ESSENTIAL BIBLE TEACHINGS
Umambo hwaMwari Chii?
Jesu paaiva panyika nyaya yaainyanya kudzidzisa vanhu ndeyeUmambo hwaMwari. Vanhu vava nemakore akawanda vachinyengetera kuti Umambo ihwohwo huuye.
NHARIREYOMURINDI
Umambo hwaMwari Huchaitei?
Jesu aiziva kuti Umambo hwaMwari ndihwo hwega hunokwanisa kugadzirisa zvinhu panyika. Zvii zvakatoitwa neUmambo zvinoita kuti tive nechokwadi nazvo?
MIBVUNZO YEBHAIBHERI INOPINDURWA
Zvichafamba Sei Kuti Pasi Rose Pave Nerugare?
Ona kuti Mwari anovimbisa sei kuti achaunza rugare pasi rose achishandisa Umambo hwake.
NHARIREYOMURINDI
Umambo hwaMwari Ihurumende Isina Uori
Pane zvinhu zvitanhatu zvinoitwa neUmambo zvinotiratidza kuti hahufi hwakava neuori.
NEZVEDU
Nei Uchifanira Kudzidza Bhaibheri?
Bhaibheri riri kupa mhinduro dzemibvunzo inokosha muupenyu kumamiriyoni akawanda evanhu panyika. Unodawo here kubatsirwa?
ZVINODZIDZISWA NEBHAIBHERI
Imboedza Kuita Kosi yeBhaibheri
Dzidza Bhaibheri uchibatsirwa nemumwe munhu.
