Bulanda bukilekile bukwete kwipaa bantu midiyo ku kipwa kyooso pa mwanda wa kubuubuka na mikumbo. Sunga kwekala angi maumbo e na bupeta, bantu bebungi be mu bulanda bukile. Bible akula’shi bulanda mmwanda awikala nka kwanka munkatshi mwa bantu.​—Badika Yowano 12:8.

Akwikala mbulamatadi akyebe kwimika bulanda. Yawa mbulamatadi abitungu ekale na bukome bwa kwaba mapeta a mu nsenga kalolo na bukome bwa kupudisha ngoshi ikale nsulo ikata ya bulanda. Efile Mukulu mmwitulee uno mbulamatadi akakunkusha nsenga ishima.​—Badika Danyele 2:44.

Efile Mukulu mmusangule Mwan’aye, Yesu bwa kwikala Nfumu a bantu booso. (Misambo 2:4-8) Yesu akyebe kukatusha bulanda na kupudisha kifita na bu ntomboshi.​—Badika Misambo 72:8, 12-14.

Nka bu bibaabadi batemukye’shi akekala “Nfumu a butaale,” Yesu akatuulu butaale na kwiyikeela mu nsenga ishima. Mu aa mafuku bantu booso be pa nsenga abakashaala mu mashibo aabo, abakekala na midimo ibuwa, na nkapeta byakudya bibungi.​—Badika Yeeshaya 9:6, 7; 65:21-23.