Okuete kuimona bu e kula na bangi sunga bupenka su? Su mbiabia we kuipusha nka bibambile mufundi a misambo’shi: “Ne nka bi konyi ke pa bupenka ku musaka wa nshibo.” (Misambo 102:7) Binangu bi mu Bible mbilombene nkukuasha bua kumona bia kukila na kuipusha kula na bangi.

•  Efubuile pepi n’Efile Mukulu

•  Badika ma verse a mu Bible anyingisha

•  Longa buakinyi mianda ibubi ikuete kukitshika pa nsenga

•  Tuekalanga na kenyongoshi ka bisumanga

•  Dia bu kuuku na bangi

•  Ikala okitshi kalakashishi ka mbidi

 Sunga nsaa yodi kula na banfi, we kupeta muloo pa kulombasha nkalo yobe ya mu kikudi. (Mateo 5:3, 6) Ano ma mbalo a buntu ngalombene nkukuasha bua kuibikita.

•   Bible ebuwa odia kupeta kupeta na kubadika ku Internete

•   Tu ma video tupela tua malongiesha a mu Bible e na muulo

•   “Ngaluulo ku nkonko ya mu Bible”​—Ngaluulo ya ku nkonko yabakuete kuela kui bantu

•   “Ambula lukumino luabo”​—Ino miisambo ayikuasha bua kumona bibaadi nshalelo a balume na bakashi babadi batemune mu Bible

•   “Mbipangibue su?”​—Ino miisambo ayilesha buwa bua bintu bia kukanya bi mu bipangua

  Bino Bifundue, mbikuashe bantu bebungi buabadia kunyingishibua. Pamutue pa kubadika ma verse e bungi musango umune, tompa kuata nsaa yodi pa bupenka bua kuangushena ku kifundue kioso na kuela nteko.​—Maako 1:35.

•   Misambo 23:1-6

•   Misambo 34:1-22

•   Misambo 46:1-11

•   Misambo 63:6-8

•   Misambo 91:1-6

•   Mateo 6:25-34

•   2 Bena-Kodinda 1:3, 4

•   Bena-Fidipe 4:6, 7

•   1 Mpyeele 5:6, 7

  We koobesha kunyingiila nkalakashi su ouku buakinyi ikuete kutuka na mushindo wabakeyipudisha kui Efile Mukulu.​—Yeeshaya 65:17.

•   Buakinyi Efile Mukulu mmulekiele makienga?

•   Bible akula kinyi pabitale mikumbo na lufu?

•   Nkintunduilo kinyi akilesha mafuku a ku nfudiilo?

•   Bantu bananka bashale pa nfualasa babadi baleshe mu Kibafumbuilue mba nanyi?

•   Bufumu bu’Efile Mukulu abukakitshi mianda kinyi?

  Miisambo i pa ino mitue ya mianda ngilombene nkukuasha bua kumoana bi kupudisha nkalakashi ya mu binangu ayifiki mu kuipusha kula na bangi na “kuleka kuinyongola.”​—Mateo 6:25.

•   Bia kukila na nkalakashi ya mu binangu

•   Lama mueneno ebuwa

•   Kenyongoshi pabitale masaku

•   Kenyongoshi pabitale makuta

•   Kenyongoshi ka ba nsongua

  Kudia bu kuuku na bangi akukuasha bua kunangushena kalolo na kuikala na muloo wibungi. Su we ku nshibo tokuete kutuka, we kuisamba na ba kuuku bobe ku bukuashi bua video sunga kuitumishena mayi ku telefone. Ino miisambo ngilombene nkukuasha bua kupeta “kuuku ebuwa.”​—Nkindji 17:17.

•   Nkinyi akikuasha bua kuikala kuuku ebuwa?

•   We kutamisha mulongo wa ba kuuku bobe su?

•   We kukita naminyi su opusha’shi tue na kuuku?

•   Ikala kuuku ebuwa pa kuikala na kalolo

•   Ikala kuuku ebuwa pa kuikala na lutumbu

  Bible ashinkamisha’shi “kalashishi ka mbidi ke buwa.” (1 Timote 4:8, mayi e kushi ku’esaki) Kalashishi ka mbidi nkalombene kukuasha bua kuikala biya mu binangu, bikishekishe nsaa yodi kula na bangi. Sunga nsaa yodi mu nshibo tokuete kutuuka, kui bintu biodia kukita bua kushala na bukome.

•   Ikala na bia kukita

•   Enyingishe ku mbidi na mu binangu