5 SHKURT 2024 | PËRDITËSUAR MË 9 TETOR 2024
RUSI

PËRDITËSIM—VËLLANË TONË E GJOBITIN | «Lëre udhën tënde në dorë të Jehovait»

LUAJ

Më 7 tetor 2024, Gjykata Krahinore e Shadrinskit në Rajonin e Kurganit shpalli fajtor vëlla Aleksandër Lubinin dhe e gjobiti me 500.000 rubla (5.180 dollarë amerikanë).

Të dhëna

Aleksandër Lubini

Lindur: 1956 (Ogonjok, Rajoni i Kurganit)

Biografia: Para se të dilte në pension, ka punuar si inxhinier i sigurisë në një kompani energjitike

Në gusht të vitit 2001 u martua me Tatjanën. Kanë dy fëmijë

Tatjana filloi të studionte Biblën me Dëshmitarët e Jehovait. Pasi asaj i ra një iktus, Aleksandri i lexonte Biblën, dhe kështu u bë kurioz e donte të dinte më shumë rreth saj. Aleksandri, Tatjana dhe 2 fëmijët e tyre u pagëzuan në vitin 2003

Aleksandri vuan nga artriti i rëndë në kockat e legenit, ndaj nuk ecën dot pa bastun. Veç kësaj, atë e diagnostikuan me një sëmundje autoimune

Komente personale

Çfarë të ndihmoi të ruaje gëzimin kur ishe në qendrën e paraburgimit?

Koha që kalova në qendrën e paraburgimit ishte shumë e vështirë. Nuk më lejonin të merrja mjekim për dhimbjet e padurueshme që më shkakton artriti. Në fillim, i lutesha Jehovait të më ndihmonte që të dilja nga burgu sa më shpejt. Mirëpo më vonë, fillova t’i lutesha që të më jepte durim dhe një zemër të qetë. Gjithashtu lutesha shumë për motrat e vëllezërit e tjerë që ishin në burg. I thosha vetes vazhdimisht: «Kjo situatë është e përkohshme.» Pastaj përqendrohesha te bekimet që po më jepte Jehovai. Kjo më ndihmoi të mos e humbja gëzimin. Më vonë, më liruan nga qendra e paraburgimit. Psalmi 37:5 më ka dhënë shumë zemër: «Lëre udhën tënde në dorë të Jehovait; mbështetu tek ai, dhe ai do të veprojë për të mirën tënde.» Jam i bindur se Jehovai nuk lejon të sprovohemi përtej asaj që mund të mbajmë. Ai do të na sigurojë gjithmonë edhe rrugëdaljen për çdo situatë të vështirë, për sa kohë besojmë dhe mbështetemi plotësisht tek ai.

S’kemi dyshim se, ashtu si Aleksandri, kur kemi Jehovain pranë, do të përballojmë me sukses çdo situatë, madje edhe kur jemi shumë të brengosur.—Isaia 38:14.

Tabelë kronologjike

13 korrik 2021

Ngrihet çështja penale
14 korrik 2021

Autoritetet kontrollojnë 8 shtëpi të Dëshmitarëve të Jehovait. Aleksandrin e arrestojnë, e marrin në pyetje dhe e fusin në një burg të përkohshëm
16 korrik 2021

E transferojnë në një qendër paraburgimi
19 korrik 2021

Për shkak të gjendjes së rëndë shëndetësore të Aleksandrit, avokatët e tij apelojnë pranë gjykatës
28 gusht 2021

Pas një kërkese nga Gjykata Evropiane e të Drejtave të Njeriut dhe nga aktivistë të të drejtave të njeriut, Aleksandrin e lirojnë dhe i vendosin kufizime për udhëtimet
14 korrik 2023

Fillon procesi penal
7 shtator 2023

Seanca gjyqësore shtyhet për shkak se Aleksandri shtrohet në spital

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME