Psalm 49:1-20
Gi a fesiman fu den pokuman. Wan singi fu den bakapkin fu Korak.
49 Un pipel, un arki.
Un alamala di e libi na grontapu, un kaka un yesi arki,
2 iya, ala libisma,guduwan nanga pôtiwan.
3 Nanga mi eigi mofo mi o taki koni sani.Na soso dipi tori mi o sdon prakseri.
4 Mi o poti yesi arki wan odo.Mi o prei harpu fu tyari a kibritori fu mi kon na krin.
5 Fu san ede mi musu frede te problema e miti mi,noso te den takr’ati sma e lontu mi fu du mi ogri?
6 Yu abi sma di e fertrow tapu den gudu fu denèn di e dyaf taki den abi bun furu gudu.
7 Ma nowan fu den kan ferlusu wan tra smaèn den no man pai Gado fu bai a sma disi kon fri.
8 (A paiman di musu pai fu bai wan sma baka hei so te,taki noiti wan libisma o man pai en.)
9 Den no man pai Gado fu meki a sma libi fu têgo èn fu no meki a go na ini grebi.
10 Den e si taki srefi den koniwan e dedeèn taki srefi den donwan nanga den wan di no abi ferstan e dede gwe.Den abi fu libi den gudu fu den na baka gi tra sma.
11 Na ini den ati den e winsi taki den oso fu den kan tan fu ala tenèn taki den pkin nanga bakapkin fu den kan kisi den oso fu den.
Den gi den gron fu den a nen fu den.
12 Ma awinsi libisma abi biginen, tòg den no man tan na libi fu ala ten.Neleki fa den meti e dede, na so den e dede tu.
13 Disi e psa nanga den sma di no abi ferstanèn nanga den wan di e waka na den baka èn di lobi den dondon sani di den e taki. (Sela)
14 Den o dede leki skapu di sma e tyari go srakti.
Dede o de a skapuman fu den.Na m’manten den ret’ati sma o tiri den.
Noti fu den o tan abra.Den no o tan na ini moi oso, ma na ini Grebi* den o tan.
15 Ma Gado o puru mi na ini na anu* fu Grebi.A o hari mi puru fu drape. (Sela)
16 No frede te yu si taki wan sma e kon gudu,noso te en oso e kon moro moi dei fu dei.
17 Bika te a dede a no man tyari noti gwe.A no man tyari den gudu fu en go nanga en.
18 Di a ben de na libi a ben lobi fu gi ensrefi grani.
(Sma e prèise yu te sani e waka bun nanga yu.)
19 Te fu kba a srefi sani di miti den afo fu en, o miti en tu.
Noiti moro den o si a leti fu dei.
20 Awinsi wan sma abi biginen, efu a no e ferstan a sani disi,a o dede gwe leki den meti.