Fa a libi na grontapu o de?
A grontapu . . .
-
o tan so?
-
o kon moro ogri?
-
o kon moro betre?
SAN BIJBEL E TAKI?
„Gado . . . o figi ala watra puru na den ai èn dede no o de moro. Nowan sari, noso krei, noso pen no o de moro. Den fositen sani pasa kaba.”—Openbaring 21:3, 4, Nyun-Grontapuvertaling.
FA DATI KAN YEPI WI?
Wi o abi bun èn switi wroko.—Yesaya 65:21-23.
Nowan sma o siki èn pina moro.—Yesaya 25:8; 33:24.
Wi nanga den famiri nanga den mati fu wi o abi wan switi libi fu ala ten.—Psalm 37:11, 29.
WI KAN BRIBI TRUTRU SAN BIJBEL E TAKI?
Iya, luku fu san ede:
-
Gado man du ala san a pramisi. Bijbel e taki dati Yehovah wawan na a „Almaktiwan”, fu di a abi ala makti (Openbaring 15:3). Dati meki noti o man tapu en fu meki grontapu kon moro bun soleki fa a ben pramisi. Bijbel e taki dati „Gado man du ala sani”.—Mateyus 19:26.
-
Gado e angri fu du san a pramisi. Fu eksempre, Yehovah e „angri” fu meki dede sma kon na libi baka.—Yob 14:14, 15.
Bijbel e sori tu taki Yesus, a Manpikin fu Gado ben meki siki sma kon betre. Fu san ede a du dati? Na fu di a ben wani (Markus 1:40, 41). Neleki en Tata, Yesus ben wani yepi den sma di ben de na nowtu.—Yohanes 14:9.
Dati meki wi kan de seiker taki Yehovah nanga Yesus wani yepi wi fu abi wan switi libi na ini a ten di e kon!—Psalm 72:12-14; 145:16; 2 Petrus 3:9.
PRAKSERI FU A SANI DISI
Fa Gado o kenki grontapu kon moro bun?
Bijbel e piki na aksi disi na ini MATEYUS 6:9, 10 nanga DANIÈL 2:44.
Kande yu lobi den tori disi tu
A WAKTITOREN
San o pasa na ini a ten di e kon?
Tranga yu bribi na ini den sani di Gado pramisi fu du na grontapu èn gi den sma di o libi na tapu.
PRENSPARI LERI FU BIJBEL
San na Gado Kownukondre?
Di Yesus ben de na grontapu, a taki fu Gado Kownukondre moro leki iniwan tra sani. Hondrohondro yari langa den bakaman fu en begi fu a Kownukondre disi kon.
A WAKTITOREN
San Gado Kownukondre o du?
Yesus ben sabi taki Gado Kownukondre na a wan-enkri regering di man lusu den problema na grontapu. Sortu sani di a Kownukondre du kaba e tranga a bribi fu wi?
