Fa wan osofamiri kan de koloku?
Na te den abi . . .
-
lobi?
-
moni?
-
wan tra sani?
SAN BIJBEL E TAKI?
„Koloku fu den sma di e yere a wortu fu Gado èn di e du san a wortu e taki!”—Lukas 11:28, Nyun-Grontapuvertaling.
FA DATI KAN YEPI WI?
Wi o abi trutru lobi.—Efeisesma 5:28, 29.
Wi o lespeki makandra.—Efeisesma 5:33.
Wi o abi wánfasi.—Markus 10:6-9.
WI KAN BRIBI TRUTRU SAN BIJBEL E TAKI?
Iya, luku fu san ede:
-
Na Gado seti na osofamiri. Bijbel e taki dati Yehovah Gado „gi ibri famiri . . . a nen fu den” (Efeisesma 3:14, 15). Sobun, osofamiri de fu di Yehovah ben wani dati. Fu san ede a prenspari fu sabi dati?
Kon meki wi taki dati yu e nyan wan switi nyanyan èn yu wani sabi fa a nyanyan bori, dan suma yu o aksi? Na a sma di bori a nyanyan, a no so?
Na so a de tu taki efu yu wani sabi fa yu osofamiri kan de koloku, dan a ben o bun fu aksi Yehovah, a Sma di seti na osofamiri.—Genesis 2:18-24.
-
Gado e broko en ede nanga yu. A ben o bun efu osofamiri e suku rai na Yehovah di a e gi na ini Bijbel. Fu san ede? „Bika a e broko en ede nanga unu” (1 Petrus 5:6, 7). Yehovah wani taki sani waka bun nanga yu èn den rai fu en bun trutru!—Odo 3:5, 6; Yesaya 48:17, 18.
PRAKSERI FU A SANI DISI
Fa yu kan de wan bun masra, wefi, noso wan bun papa noso mama?
Bijbel e piki na aksi disi na ini EFEISESMA 5:1, 2 nanga KOLOSESMA 3:18-21.
Kande yu lobi den tori disi tu
PIKI TAPU AKSI FU BIJBEL
San Bijbel e taki fu a trowlibi?
Bijbel rai kan yepi trowpaar fu no kisi problema èn fu lusu problema.
ONTWAAKT!
Koloku osofamiri—Wroko makandra
Yu e si yu trowpatna leki wan sma di yu nanga en e tan makandra nomo?
SUMA NA WI
Fu san ede wi musu studeri Bijbel?
Na heri grontapu, milyunmilyun sma e feni piki tapu prenspari aksi fu a libi, na ini Bijbel. Yu wani de wan fu den tu?
