„Yehovah, na yu o luku fu den mofinawan. Yu o kibri ibriwan fu den, so taki den ogri sma fu a ten disi no sa pina den noiti moro.”​—Psalm 12:7.

Wi o de seiker taki a no Gado e meki problema miti wi.​—Yakobus 1:13.

Wi o kisi trowstu te wi sabi taki Gado e firi gi wi te wi e pina.​—Sakaria 2:8.

Wi o abi a howpu taki wan dei ala pina o kaba trutru.​—Psalm 37:9-11.

Iya, luku fu san ede:

• Gado no lobi en srefisrefi te sma e pina èn e du ogri nanga trawan. Luku fa Yehovah Gado ben feni en te sma ben libi na wan ogri-ati fasi nanga en pipel fu fositen. Bijbel e taki dati a ben sari te sma „ben e du den ogri”.​—Krutuman 2:18, Nyun-Grontapuvertaling.

  Gado no e prisiri srefisrefi te sma e du ogri nanga trawan. Fu eksempre, Bijbel e taki dati Gado e tegu gi „sma di e kiri trawan di no du nowan ogri”.​—Odo 6:16, 17.

• Gado lobi ibriwan fu wi. Neleki fa ibri sma sabi „san e moro den èn fa den e pina”, na so Yehovah sabi dati tu!​—2 Kroniki 6:29, 30.

  Heri esi Yehovah o gebroiki en Kownukondre fu puru ala pina fu ibriwan sma (Mateyus 6:9, 10). Ma nownow kaba a e trowstu den sma di e suku yepi na en.​—Tori fu den apostel 17:27; 2 Korentesma 1:3, 4.