Jobe 39:1-30
39 “Uyati yini kutsi timbuti tasentsabeni titala nini?+
Uke wayibona yini inyamatane itala?+
2 Uyati yini kutsi letilwane timitsa tinyanga letingakhi?
Uyasati yini sikhatsi sato sekutala?
3 Tiyaguca natitala emazinyane,Bese imihelo yato iyaphela.
4 Emazinyane ato ayacina futsi akhulele esigangeni;Ahamba angaphindzi abuye.
5 Ngubani lokhulula imbongolo,*+Futsi ngubani lochacha intsambo leboshwe ngayo?
6 Ngente likhaya layo kwaba lihlaneNgenta nekutsi ihlale endzaweni leneluswayi.
7 Iwuhleka bulima umsindvo losedolobheni;Ayikuva nekumemeta kwemuntfu loyigalelako.
8 Yehla yenyuka nemagcuma, ifune lengakudla,Ifuna bonkhe tjani lobumilako.
9 Inkhomo yesiganga iyafuna yini kukusebentela?+
Ingalala yini busuku bonkhe esibayeni sakho?*
10 Ungayidvonsa yini inkhomo yesiganga ngelitomu kutsi iyokulimela,Nobe ingakulandzela yini kute iyokulimela esihosheni?
11 Utawetsembela emandleni ayo yiniFutsi utayentisa umsebenti wakho lomatima yini?
12 Utawetsembela kuyo yini kutsi iletse sivuno sakho,Futsi itakubutsisela sona yini ebaleni lakho lekubhulela?
13 Inshi* ishaya timphiko ngenca yenjabulo,Kodvwa timphiko tayo netinsiba tayo tingacatsaniswa yini netadvoye?+
14 Ngobe italela emacandza ayo iwashiye phansi,Futsi iwagcine afutfumele emhlabatsini.
15 Iyakhohlwa kutsi kungenteka bantfu bawanyatseleNobe silwane sesiganga siwafihlite.
16 Emantjwele ayo iwaphatsa kabi, kube shengatsi akusiwo ayo;+Ayesabi kutsi kungenteka iwatalele lite.
17 Ngobe Nkulunkulu akayiniki* kuhlakaniphaFutsi akayiniki nekucondza.
18 Kodvwa nayisukuma futsi ishaya timphiko tayo,Ihleka lihhashi naloyo loligibele.
19 Nguwe yini loniketa lihhashi emandla?+
Uyayembatsisa yini intsamo yalo ngeboya lobukhitsitelako?
20 Ungalenta yini kutsi ligcume njengentsetse?
Indlela lelikhipha ngayo umoya ngemakhala iyesabisa.+
21 Lihwaya phansi esihosheni futsi lijabule ngemandla alo;+Lisuka lapho ngekushesha liye emphini.*+
22 Liyakuhleka kwesaba futsi alesabi lutfo.+
Aliyibalekeli inkemba.
23 Sikhwama sesikhumba lesilenga kulo sikhehletela eceleni kwalo,Kunemcibisholo kanye nesikhali lesimanyatelako.
24 Livukwa lusinga, litsatse emabanga,Nakukhala licilongo alikhoni kuma linganyakati.
25 Nakukhala licilongo, lelihhashi likhipha umsindvo ngemlomoImphi liyiva ngeliphunga isekhashaneFutsi liva nekumemeta kwetindvuna temphi kanye nemsindvo wemphi.+
26 Lohheya undiza ngenca yekuhlakanipha kwakho yini,Endlale timphiko takhe ngaseningizimu?
27 Lusweti lutjelwa nguwe yini kutsi lundizele etulu+Futsi lwakhe sidleke salo endzaweni lephakeme kakhulu,+
28 Kutsi lulale endzaweni leliwa,Luhlale endzaweni levikelekile edvwaleni?*
29 Nalusuka lapho luyahamba luyofuna kudla;+Emehlo alo abona khashane.
30 Emazini alo amunya ingati;Ulutfola lapho kunetidvumbu khona.”+
Imibhalo lengentansi
^ Nobe “imbongolo yesiganga.” Loluhlobo lwembongolo alufuywa futsi luhlala esigangeni.
^ Nobe “emkhombeni wakho.”
^ NgesiNgisi kutsiwa yi-Ostrich.
^ NgesiHebheru kutsi, “uyente yakhohlwa.”
^ NgesiHebheru kutsi, “kuyokulwa.”
^ NgesiHebheru kutsi, “etinyweni lelidvwala.”
