Vele Bangaphindze Baphile Yini Bantfu Labafile?
Ungatsi . . .
-
yebo?
-
chake?
-
mhlawumbe?
LOKO LOKUSHIWO LIBHAYIBHELI
“Bonkhe bantfu . . . bayawuvuka ekufeni.”—Imisebenti 24:15.
LONGAKUTFOLA NAWUKHOLELWA EKUVUSWENI KWALABAFILE
Yindvudvuto nawufelwa ngumuntfu losondzelene naye.—2 Khorinte 1:3, 4.
Kukhululeka ekwesabeni kufa.—Hebheru 2:15.
Litsemba sibili lekuphindze ube nebantfu losondzelene nabo lasebafa.—Johane 5:28, 29.
SINGAKWETSEMBA MBAMBA YINI LOKUSHIWO LIBHAYIBHELI?
Yebo singakwetsemba, nganati tizatfu letintsatfu:
-
Nkulunkulu unguMsunguli wekuphila. LiBhayibheli libita Nkulunkulu Jehova ngekutsi ‘ungumtfombo wekuphila.’ (Tihlabelelo 36:9; Imisebenti 17:24, 25) Akungabateki kutsi lona lowadala konkhe lokuphilako angakhona kuvusa umuntfu lofile.
-
Nkulunkulu wabavusa bantfu labafile esikhatsini lesendlulile. LiBhayibheli lisitjela ngebantfu labasiphohlongo labavuswa, labebafaka ekhatsi bantfwana, labadzala, besilisa kanye nebesifazane. Labanye babo bebanesikhashana bafile kodvwa lomunye besekwendlule emalanga lamane afile.—Johane 11:39-44.
-
Nkulunkulu ufisa kuphindze abavuse bantfu labafile. Jehova uyakwenyanya kufa; kusitsa kuye. (1 Khorinte 15:26) ‘Ufisa’ kusincoba lesitsa, akucedze kufa ngekutsi avuse labafile. Ulangatelela kuvusa bantfu labasenkhumbulweni yakhe nekuphindze ababone baphila emhlabeni.—Jobe 14:14, 15.
LESINGACABANGA NGAKO
Kwentiwa yini kutsi siguge siphindze sife?
LiBhayibheli liyawuphendvula loyo mbuto ku GENESISI 3:17-19 naku-ROMA 5:12.
Lokunye Longatsandza Kukuhlola
TIMFUNDZISO TELIBHAYIBHELI LETIBALULEKILE
Labafile Bakusiphi Simo?
LiBhayibheli letsembisa kutsi kutawuba nesikhatsi lapho bantfu labafile batawuvuswa ekufeni njengaLazaro.
TIMPHENDVULO TEMIBUTO LEMAYELANA NELIBHAYIBHELI
Kuyini Kuvuswa Kwalabafile?
Kungahle kukumangalise kwati kutsi bobani labatawuvuswa ekufeni.
SICONGOSEKULINDZA
Labafile Batawuvuka Yini?—Sati Ngani?
LiBhayibheli lisiniketa tizatfu letimbili letivakalako tekutsi luvuko lutawuba khona.
MAYELANA NATSI
Kungani Kufanele Utadishe LiBhayibheli?
LiBhayibheli lisita tigidzi tebantfu emhlabeni wonkhe kutsi titfole timphendvulo temibuto lebalulekile. Ungatsandza yini nawe kwati leto timphendvulo?
TIMFUNDZISO LETISEBHAYIBHELINI
Yetama luhlelo lwetfu lwekudadisha liBhayibheli
Tfola sifundvo seliBhayibheli samahhala ukanye nalotakufundzisa.
