Ho Baheberu 2:1-18
2 Ke ka hoo ho hlokahalang hore re nahanisise ka dintho tseo re di utlwileng+ e le hore re se ke ra kgeloha.+
2 Haeba mantswe a ileng a buuwa ke mangeloi+ e ne e le nnete mme motho ya tlotseng molao le ya sa mameleng a ne a fuwa kotlo e mo tshwanetseng,+
3 jwale rona re tla phonyoha kotlo jwang haeba re iphapanyetsa molaetsa o bohlokwa hakaale wa poloko?+ Morena wa rona ke yena wa pele wa ho bua ka wona+ mme batho ba mo utlwileng ba ile ba re bolella wona.
4 Modimo o ile a paka hore molaetsa oo ke nnete ka ho etsa dipontsho, dimakatso, mehlolo e fapaneng+ le ka ho fana ka moya o halalelang ho ya ka thato ya hae.+
5 Modimo ha a kgetha mangeloi hore a laole lefatshe le tlang+ leo re buang ka lona.
6 Paki e nngwe e ile ya ngola ya re: “Motho keng hore o nne o mo hopole le mora wa motho keng hore o mo hlokomele?+
7 O mo entse ya tlasana ho mangeloi, wa mo fa kganya le ho hlompheha yaba o mo fa matla a ho laola dintho tseo o di bopileng.
8 O behile dintho tsohle tlasa taolo ya hae.”*+ Ha Modimo a mo fa matla a ho laola dintho tsohle,+ ha a ka a etsa hore ho be le ntho le ha e le nngwe eo a sa e laoleng.+ Hona jwale ha re eso bone dintho tsohle tseo a di laolang.+
9 Empa re bona Jesu, ya neng a entswe ya tlasana ho mangeloi+ empa a putswa ka kganya le tlhompho hobane o ile a shwa.+ Ka lebaka la mosa* wa Modimo, o ile a shwela motho e mong le e mong.+
10 Dintho tsohle di bile teng ka Modimo le ka lebaka la hae. Ka hoo, e le hore a tlotlise bara ba hae ba bangata,+ ho ne ho loketse hore a tlohele Moetapele e Moholo+ hore a utlwe bohloko e le hore a ka ba pholosa.+
11 Jesu le bohle bao a ba halaletsang+ ba na le Ntate a le mong.+ Ka hoo, ha a swabele ho ba bitsa bana babo.+
12 Etswe o re: “Ke tla bolella bana beso lebitso la hao. Ke tla o rorisa hara phutheho.”+
13 Hape o re: “Ke tla mo tshepa.”+ O boetse o re: “Bonang nna le bana bao Jehova* a mphileng bona.”+
14 Ka ha bana bao ke batho ba nama le madi le yena e kile ya eba motho wa nama le madi+ e le hore ka lefu la hae a ka fedisa Diabolose+ ya kgonang ho baka lefu.+
15 Ka ho etsa jwalo, o lokolotse bohle bao e neng e le makgoba bophelo bohle ba bona ka lebaka la ho tshaba lefu.+
16 Ha e le hantle, o ne a tletse ho thusa ditloholo* tsa Abrahama+ eseng mangeloi.
17 Ka lebaka leo, o ile a tlameha ho tshwana le “bana babo” ka ditsela tsohle+ e le hore e ka ba moprista ya phahameng ya mohau le ya tshepahalang ha a etsa mosebetsi wa Modimo. Hape o ile a fana ka sehlabelo+ se hlakolang dibe tsa batho e le hore ba ka ba le kgotso le Modimo.+
18 Ka ha o ile a utlwa bohloko ha a lekwa,+ o kgona ho thusa ba ntseng ba lekwa.+
Dintlha tse qetellong ya sehloho
^ Ka Segerike: “maoto a hae.”
^ Sheba Ntlha ya A5.
^ Ka Segerike: “peo.”
