“Molimo oa leholimo o tla hloma ’muso o ke keng oa felisoa le ka mohla.”—Daniele 2:44, Bibele—Phetolelo ea Lefatše le Lecha.

‘Re filoe mora, ’muso o tla lula lehetleng la hae.’—Esaia 9:6 naletsana.

• ’Muso o lokileng o ka u tsoelang molemo.—Esaia 48:17, 18.

• Lefatšeng le lecha le tlang, bophelo e tla ba bo phethahetseng le bo thabisang.—Tšenolo 21:3, 4.

E, bonyane ka mabaka a mabeli:

• Jesu o ile a bontša hore na ’Muso oa Molimo o tla re etsetsa’ng. Jesu o ile a ruta balateli ba hae ho rapella ’Muso oa Molimo hore o tle le hore thato ea Molimo e etsoe lefatšeng. (Matheu 6:9, 10) Jesu o ile a bontša hore na thapelo eo e tla arajoa joang.

  Ha Jesu a sa le lefatšeng, o ile a fepa ba lapileng, a folisa ba kulang a ba a tsosa le bafu. (Matheu 15:29-38; Johanne 11:38-44) Joaloka Morena ’Musong oa Molimo, Jesu o ile a re bontša selelekela sa seo ’Muso oo o tla se etsetsa batho ba busoang ke oona.—Tšenolo 11:15.

• Maemo a lefatše a netefatsa hore ’Muso oa Molimo o tla tla haufinyane. Jesu o ile a bolela esale pele hore nakoana pele ’Muso oo o tlisa khotso, lefatše le ne le tla apareloa ke tlala, lintoa le litšisinyeho tsa lefatše.—Matheu 24:3, 7.

  Lintho tseo lia etsahala kajeno. Kahoo re ka kholiseha hore haufinyane ’Muso oa Molimo o tla felisa mathata ao kaofela.