Na Ruri Bafu ba ka Boela ba Phela?
U ka araba potso ee joang? Ka . . .
-
e?
-
che?
-
kapa ka mohlomong?
BIBELE EONA E RE’NG?
“Molimo o tla tsosa batho.”—Liketso 24:15, Bibele—Phetolelo ea Lefatše le Lecha.
HO TSEBA SEE HO KA U THUSA JOANG?
Ho ka u tšelisa ha u shoeloa ke batho bao u ba ratang.—2 Bakorinthe 1:3, 4.
Ho ka u lokolla hore u se ke oa tšaba ho shoa.—Baheberu 2:15.
Ho ka u fa tšepo ea hore baratuoa ba hao ba tla phela hape.—Johanne 5:28, 29.
NA RE KA LUMELA SEO BIBELE E SE BUANG?
E, bonyane ka mabaka a mararo:
-
Molimo ke ’Mopi. Bibele e re Jehova Molimo ke “mohloli oa bophelo.” (Pesaleme ea 36:9; Liketso 17:24, 25) Kaha ke eena ea fileng libopuoa tsohle bophelo, o na le matla a ho tsosa bafu.
-
Molimo o ile a tsosa bafu nakong e fetileng. Bibele e bua ka batho ba robeli ba ileng ba tsosoa bafung—bao e neng e le bana, e le batho ba baholo, e le banna le basali—hona mona lefatšeng. Ba bang ba ne ba sa tsoa hlokahala, empa e mong o ne a qetile matsatsi a mane ka lebitleng.—Johanne 11:39-44.
-
Molimo o labalabela ho boela a tsosa bafu. Jehova o hloile lefu, o le talima e le sera. (1 Bakorinthe 15:26) O hloloheloa ho hlola sera seo, ho felisa lefu ka hore a tsose bafu. O labalabela ho tsosa ba mohopolong oa hae le ho ba bona ba phela hape lefatšeng.—Jobo 14:14, 15.
U KA ’NA OA IPOTSA
Ke hobane’ng ha re tsofala ebile re shoa?
Bibele e araba potso ena ho GENESE 3:17-19 le ho BAROMA 5:12.
Mohlomong u ka Rata le
ESSENTIAL BIBLE TEACHINGS
Bafu ba Hokae?
Bibele e re tsepisa hore bafu ba tla tsoha joalokaha Lazaro le eena a ile a tsoha.
LIPOTSO TSA BIBELE LIA ARAJOA
Tsoho ea Bafu Ke’ng?
U ka ’na ua makatsoa ke hore na ho tla tsosoa batho ba joang.
MOLULA-QHOOA
Ke’ng e ka U Kholisang Hore Bafu ba Tla Tsoha?
Bibele e fana ka mabaka a mabali a utloahalang a hore re be le tšepo ea hore bafu ba tla tsosoa.
MABAPI LE RŌNA
Ke Hobane’ng ha U Lokela ho Ithuta Bibele?
Bibele e thusa batho ba limilione hore ba fumane likarabo tsa lipotso tsa bohlokoa bophelong. Na u ka rata ho ba e mong oa bona?
