“Kutakuwa ufufuo.”​—Matendo 24:15, Tafsiri ya Ulimwengu Mupya.

Utapata faraja ao kitulizo wakati mutu mwenye unapenda anakufa.​—2 Wakorinto 1:3, 4.

Hautaogopa tena kifo.​—Waebrania 2:15.

Utakuwa na tumaini la kweli kama utakuwa tena pamoja na wapendwa wako wenye wamekufa.​—Yohana 5:28, 29.

Ndiyo. Kuko sababu tatu hivi zenye kufanya tuamini mambo yenye Biblia inasema:

• Mungu njo aliumba uzima. Biblia inamuita Yehova Mungu “chemchemi ya uzima.” (Zaburi 36:9; Matendo 17:24, 25) Yeye njo alipatia viumbe vyote uzima. Kwa hiyo, iko na nguvu kabisa ya kurudishia tena uzima mutu mwenye amekufa.

• Zamani, Mungu alifufua watu wenye walikuwa wamekufa. Biblia inazungumuzia watu munane wenye walifufuliwa na kuendelea kuishi hapa ku dunia. Kulikuwa vijana, wazee, wanaume na wanamuke. Wamoja kati yao walifufuliwa wakati kidogo tu kisha kufa, lakini mumoja alifufuliwa kisha kumaliza siku ine mu kaburi!​—Yohana 11:39-44.

• Mungu anapenda sana kufufua tena watu wenye wamekufa. Yehova anachukia kifo; anaona kifo kuwa adui. (1 Wakorinto 15:26) Anapenda kabisa kutosha adui huyo, na atafanya vile kupitia ufufuo. Na anapenda sana kufufua watu wenye anachunga mu akili yake, na anapenda kuwaona wanaishi tena hapa ku dunia.​—Yobu 14:14, 15.