”Kěbị apang kabawohẹ su ral᷊ungu Binohẹ Susi, nipal᷊ohong u Mawu.”​—2 Timotius 3:16, Binohẹ Susi su Weran Sangihẹ̌ Měllo-měllo.

Makaěbạ sasimbahe mapaelẹ̌ bọu kěbị kakiwal᷊o.​—Baweran Salomo 2:1-5.

Těntiro mapia-pia su pẹ̌bawiahẹ̌ ěllo-ěllo.​—Mazmurẹ̌ 119:105.

Piạ pělaharapẹ̌ su pěbawiahẹ̌ ěllo mahi.​—Roma 15:4.

Piạ 3 alasange:

• Lohone tawe nẹ̌tatěntang. Piạ 40 su kataune němohẹ Binohẹ Susi, karěngụe 1.600 su taunge. Isire běga sěmbaụ su wal᷊inẹ. Katewe, lohone tawe nẹ̌tatěntang, tatěmbọe mang sěmbaụ!

• Měmamohẹ Binohẹ Susi tawe mẹ̌kakonti. Isire tawe mẹ̌mamuni pẹ̌sasal᷊ang isire.​—2 Kararatuang 36:15, 16; Mazmurẹ̌ 51:1-4.

• Apang niul᷊ị u Binohẹ Susi sarung mariadi. 700 su taunge tamai Binohẹ Susi naul᷊ị i Mesias sarung malahirẹ̌ su Betlehem Yehuda. (Mikha 5:2) Kụ su soa ene Yesus nalahirẹ̌!​—Matius 2:1, 3-9.

  Apang nịwerang Binohẹ Susi kěbị nariadi sarang kakadodọkange. Hakị u ene kahěngang-hěngang Binohẹ Susi ini hěngetang u Mawu.​—2 Petrus 1:21.