Na̱nguá, xa̱bi̱i̱ Jeobá na̱nguá gíʼmáanʼ muxna diezmo. Ñajunʼ ndrígúxu̱ najmuu mbújkha̱a̱ rí nuxna rí nagájnuu a̱jkiu̱ún. Mú, náa e̱ʼkha̱ costumbre rí nuxna diezmo, ga̱jma̱a̱ náa numuu tseni xúʼko̱ kaʼnii xa̱bi̱i̱ Jeobá rá.

 Xtángoo rí nikhánun xa̱bu̱ Israel ikhí ma̱ngaa na̱ʼkha̱ rí muxna diezmo o diez por ciento muxnún ndxajkun. Náa Biblia nasngájma kaʼwu rí bi̱ ñajúnʼ cristianos na̱nguá gíʼmiin munimbánii xtángoo rígi̱. Ikha jngó xúgi̱ na̱nguá ñajunʼ tsiakii muxná diezmo (Hebreos 7:5, 18; Colosenses 2:13, 14).

 Xa̱bi̱i̱ Jeobá tsexnaxu diezmo o imbo̱o̱ rí naxtanda̱ʼa̱, nunixu xó má nini timbíi̱n cristianos. A̱jma̱ enii rí xú káʼnii ikhiin niyambáá náa congregación: Nuxna mbújkha̱a̱ rí nagájnuu náa a̱jkiu̱ún ga̱jma̱a̱ nutaraʼa ma̱ngaa tsíruma índo̱ nusngáa ajngáa rí na̱ʼkha̱ náa Biblia.

 Rígi̱ nambánii ga̱jma̱a̱ rí naʼthí gi̱jyooʼ: “Ga mamba axna xuri caya aʼtiun maxna; itan mejanʼ ri xaxna xabu su siyo axna, ga xuʼcui-ma itan mejanʼ ri xaxni mi amu ri ica naxni riʼdo xta su naʼtun ri maxni, muri Dios naʼni aʼtiun caʼyo xabu su naxna jma gagui” (2 Corintios 9:7).