“Maromak . . . sei hamaran sira-nia matan-been hotu husi sira-nia matan, mate sei la iha tan, no ema sei la triste tan ka tanis ka sente moras. Buat sira neʼebé uluk nian lakon tiha ona.”​—Apokalipse 21:3, 4, Tradusaun Mundu Foun.

Ita sei halo serbisu diʼak neʼebé halo ita kontente.​—Isaias 65:21-23.

Sei la iha tan moras ka terus.​—Isaias 25:8; 33:24.

Ita sei moris kontente ba nafatin hamutuk ho família no belun sira.​—Salmo 37:11, 29.

Bele, tanba razaun rua:

• Maromak iha kbiit atu kumpre ninia promesa. Tuir Bíblia, Maromak Jeová deʼit mak “Ida neʼebé Kbiit Boot Liu Hotu”, tanba ninia kbiit la iha rohan. (Apokalipse 15:3) Tan neʼe, nia bele kumpre ninia promesa atu hadiʼa mundu sai diʼak liu. Bíblia hatete: “Ba Maromak buat hotu bele deʼit.”​—Mateus 19:26.

• Maromak hakarak duni atu kumpre ninia promesa. Porezemplu, Maromak Jeová hein namanas atu fó moris-hiʼas ba ema neʼebé mate ona.​—Job 14:14, 15.

  Bíblia mós hatudu katak Maromak nia Oan-Mane Jesus kura ema neʼebé moras. Tanbasá mak nia halo ida-neʼe? Tanba nia hanoin ema. (Marcos 1:40, 41) Hanesan ninia Aman, Jesus hakarak ajuda ema neʼebé iha susar laran.​—João 5:19.

  Tan neʼe, ita bele fiar katak Maromak Jeová no Jesus hakarak ita atu iha futuru neʼebé diʼak liu!​—Salmo 72:12-14; 145:16; 2 Pedro 3:9.