“Aat-naʼin mak domina mundu tomak.”​—1 João 5:19, Tradusaun Mundu Foun.

“Maromak nia Oan-Mane mai . . . atu harahun Diabu nia serbisu hotu.”​—1 João 3:8.

Ita bele hatene tanbasá mak mundu neʼe iha problema barak.​—Apokalipse 12:12.

Ita iha razaun atu fiar katak situasaun iha mundu neʼe sei sai diʼak liu.​—1 João 2:17.

Bele, tanba razaun tolu:

• Diabu Satanás nia ukun sei lakon. Maromak Jeová hakarak tebes atu halakon Satanás nia ukun. Nia promete katak nia sei “harahun Satanás”, no hadiʼa fali buat hotu neʼebé Diabu Satanás estraga.​—Roma 16:20.

• Maromak hili ona Jesus Kristu atu ukun mundu. Jesus la hanesan duni ho Satanás neʼebé ukun iha dalan neʼebé aat no hanoin an deʼit. Kona-ba Jesus nia ukun, Maromak promete katak: “Nia sei hanoin ema kiʼik no ema kiak . . . Nia sei salva sira husi ema neʼebé hanehan sira no husi violénsia.”​—Salmo 72:13, 14.

• Maromak sempre koʼalia loos. Bíblia hatete: “Maromak nunka bosok.” (Ebreu 6:18) Bainhira Maromak Jeová promete ona atu halo buat ruma, ida-neʼe sempre sai loos. (Isaias 55:10, 11) Maromak nia Liafuan promete katak “ukun-naʼin mundu neʼe nian sei soe tiha ba liʼur”.​—João 12:31.