NOTÍSIAS HUSI RAI OIOIN
Relijiaun
Tuir loloos, relijiaun tenke haburas unidade iha ema nia leet. Maibé tuir realidade, relijiaun mak halo ema odi malu no haketak malu.
MUNDU TOMAK
Husi populasaun hotu iha mundu tomak, porsentu 75 liu mak hela iha nasaun neʼebé la iha liberdade atu halaʼo relijiaun tuir sira ida-idak nia hakarak tanba estadu mak la fó liberdade, ka tanba ema iha komunidade laran fó-terus ba sira. Iha tinan lima nia laran deʼit, nasaun neʼebé iha krime hasoru grupu relijiaun nian neʼebé kiʼik, aumenta ba dala rua.
HANOIN TOʼOK: Tanba saida deʼit mak ema balu la gosta relijiaun?—Mateus 23:27, 28; João 15:19.
Rai-Inglaterra
Iha jornál Observer, eis-primeiru ministru Tony Blair haktuir katak dala barak ema halo terrorizmu tanba sira halaʼo sira-nia relijiaun iha dalan neʼebé laloos no fanátiku. Nia mós hatutan tan: “Husi tinan 1901 toʼo 2000 dala barak ema halo funu tanba sira-nia ideia kona-ba polítiku mak kontra malu, maibé husi tinan 2001 toʼo ohin loron, funu no konflitu barak mosu tanba ema nia kultura ka relijiaun mak kontra malu.”
HANOIN TOʼOK: Dala barak ema haketak malu tan deʼit relijiaun. Tanbasá mak ida-neʼe akontese?—Marcos 7:6-8.
Rai-Austrália
Tuir governu nia peskiza, porsentu 20 husi ema australianu mak hatete katak sira la iha relijiaun. Husi ema neʼebé iha relijiaun, mane porsentu 15 no feto porsentu 22 deʼit mak hatete katak sira iha toman atu hola parte iha atividade relijiaun nian ruma.
HANOIN TOʼOK: Ohin loron relijiaun barak hatudu hahalok ladiʼak saida deʼit?—Mateus 7:15-20.
Karik Ita sei gosta
PERGUNTA SIRA NEʼEBÉ BAIBAIN EMA HUSU
Tanbasá mak Testemuña ba Jeová nafatin neutrál kona-ba buat polítiku nian?
Sira perigu ba nasaun ka lae?
