Ia ty Minday ty Tontolo Toy?

MANDEFA

Akore ty heve’o . . .

Andrianagnahare vao?
Sa ndaty mahilala?
Sa raha hafa?

INOGNE TY RAHA REHAFE TY BAIBOLY?

‘Fehe i ratiy iaby ty tontolo toy.’ —1 Jaona 5:19. Fandikan-tenin’ny Tontolo Vaovao.

“Horava i Anak’Andrianagnaharey ty asa tagna i Devoly.”—1 Jaona 3:8.

HANAO AKORE TY FIAIGNAGNE?

Fantatse ty anto’e mampisy o fijaleagneo.—Apokalypsy 12:12.

Matokisa rehe fa hihasoa o fiaignagneo.—1 Jaona 2:17.

MAREGNE VAO ZE RAHA REHAFE O BAIBOLIO?

Eka, intoagne misy anto’e telo:

Ho rava ty fitondra i Satana. Nanapa-kevetse ty Jehovah fa tsy henga’e hinday o ndatio sasa ty Satana. Mampitamà reke fa ho rava’e ty asa i Devoly, le hafaha’e ty raha raty nanoe i Satana.—Hebreo 2:14.
I Jesosy Kirisity ty Jinobon’Andrianagnahare hinday ty tane toy. Tsy miferenaigne ndaty ty mpitondra ty tontolo toy. Tsy manahake aze ty Jesosy. Izao ty isaontsian’Andrianagnahare ty fitondra i Jesosy: “Hiferenaigne ty ndaty rarake reke naho . . . Handrombake ty ay’iareo amo o hampiarotegneo.”—Salamo 72:13, 14.
Tsy mandagnitse ty Andrianagnahare. Hoe ty Baiboly: “Andrianagnahare tsy mahay mandagnitse.” (Hebreo 6:18) Ze raha ampitamae i Jehovah le avy eo iaby! (Isaia 55:10, 11) “Hatao soike i mpinday ty tontolo toiy.”—Jaona 12:31.

DINEHO HEIKE TOY

Hanao akore ty tontolo toy naho fa tsy eo sasa i mpitondra azey?

Mamale izay ty Baiboly amy SALAMO 37:10, 11 naho APOKALYPSY 21:3, 4.

Va'e ho Tea'o Ka

ESSENTIAL BIBLE TEACHINGS

Nagnino o Fijaleagneo Engàn’Andrianagnahare Hisio?

Magnontane ty ndaty maro tie nagnino ty tane toy feno fankalaignagne naho fijaleagneo. Mahafa-po naho mampionogne antikagne ty vale’e mey ty Baiboly miomba izay.

VALEM-PAGNONTENEAGNE ARA-BAIBOLY

Tena Misy vao ty Devoly?

Haratiagne ama o ndatio ao avao ty Devoly sa tena misy?

MIOMBA ANAY

Inogne ty Anto’e Ianaragne Baiboly?

Ndaty an-tapetrisa’e ty mianatse Baiboly sady mahatrea ty vale ty fagnonteneagne manahiragne aze. Te hahatrea ty vale ty fagnonteneagne manahiragne azo ka vao rehe?