సమూయేలు రెండో గ్రంథం 22:1-51
22 యెహోవా దావీదును అతని శత్రువులందరి చేతిలో నుండి,+ సౌలు చేతిలో+ నుండి రక్షించిన రోజున దావీదు యెహోవాకు ఈ పాట పాడాడు.+
2 అతను ఇలా పాడాడు:
“యెహోవా నా శైలం,* నా కోట, నన్ను రక్షించే దేవుడు.+
3 నా దేవుడే నా ఆశ్రయదుర్గం,*+ నేను ఆయన్ని ఆశ్రయిస్తాను,ఆయనే నా డాలు,+ నా రక్షణ కొమ్ము,* నా సురక్షితమైన ఆశ్రయం,*+నేను పారిపోయే స్థలం,+ నా రక్షకుడు;+ ఆయన నన్ను దౌర్జన్యం నుండి రక్షిస్తాడు.
4 స్తుతిపాత్రుడైన యెహోవాకు నేను ప్రార్థిస్తాను,నా శత్రువుల నుండి ఆయన నన్ను రక్షిస్తాడు.
5 మరణ తరంగాలు నన్ను చుట్టుముట్టాయి;+పనికిమాలినవాళ్లు ఆకస్మిక వరదల్లా నన్ను భయపెట్టారు.
6 సమాధి* తాళ్లు నన్ను చుట్టుకున్నాయి;+మరణపు ఉరులు నా ముందు పెట్టబడ్డాయి.+
7 నా శ్రమలో నేను యెహోవాకు ప్రార్థించాను,+నా దేవునికి మొరపెడుతూ వచ్చాను,
అప్పుడు ఆయన తన ఆలయంలో నుండి నా మొర విన్నాడు,సహాయం కోసం నేను పెట్టిన మొర ఆయన దగ్గరికి చేరింది.+
8 అప్పుడు భూమి అదిరింది, ముందుకీ వెనక్కీ కంపించింది;+ఆకాశ పునాదులు వణికిపోయాయి,+ అవి ముందుకీ వెనక్కీ కంపించాయి,+ఎందుకంటే ఆయనకు కోపం వచ్చింది.
9 ఆయన ముక్కు రంధ్రాల నుండి పొగ లేచింది,ఆయన నోటి నుండి దహించే అగ్ని వచ్చింది;+ఆయన నుండి మండుతున్న నిప్పులు బయల్దేరాయి.
10 ఆయన ఆకాశాన్ని వంచుతూ కిందికి దిగాడు,+ఆయన పాదాల కింద కటిక చీకటి ఉంది.+
11 ఆయన కెరూబు మీద+ ఎగురుతూ వచ్చాడు.
దేవదూత* రెక్కల మీద+ ఆయన కనిపించాడు.
12 అప్పుడు ఆయన నల్లని నీళ్లు, దట్టమైన మేఘాలు ఉన్న చీకటినిడేరాలా తన చుట్టూ వేసుకున్నాడు.+
13 ఆయన ఎదుట ఉన్న కాంతి నుండి నిప్పులు వచ్చాయి.
14 అప్పుడు యెహోవా ఆకాశం నుండి గర్జించసాగాడు;+సర్వోన్నతుడు తన స్వరాన్ని వినిపించాడు.+
15 ఆయన తన బాణాలతో+ వాళ్లను చెదరగొట్టాడు;మెరుపులు పంపించి వాళ్లను గందరగోళంలో పడేశాడు.
16 సముద్ర అడుగుభాగం కనిపించింది;+యెహోవా గద్దింపుతో, ఆయన ముక్కు రంధ్రాల నుండి వేగంగా వచ్చిన గాలితో+భూమి పునాదులు బయటపడ్డాయి.
17 ఆయన పైనుండి చెయ్యి చాపి,నన్ను పట్టుకొని లోతైన నీళ్లలో నుండి పైకి లాగాడు.+
18 నా బలమైన శత్రువు నుండి, నాకన్నా బలవంతులైన నా పగవాళ్ల నుండిఆయన నన్ను రక్షించాడు.+
19 నాకు విపత్తు వచ్చిన రోజున వాళ్లు నన్ను ఎదిరించారు,+అయితే యెహోవా నన్ను ఆదుకున్నాడు.
20 ఆయన నన్ను సురక్షితమైన* స్థలంలోకి తీసుకొచ్చాడు;ఆయన నా విషయంలో సంతోషించాడు కాబట్టి నన్ను రక్షించాడు.+
21 నా నీతిని బట్టి యెహోవా నాకు ప్రతిఫలమిస్తాడు;+నా చేతుల నిర్దోషత్వాన్ని* బట్టి నాకు ప్రతిఫలమిస్తాడు.+
22 ఎందుకంటే, యెహోవా మార్గాల్ని నేను అనుసరించాను,నా దేవుణ్ణి విడిచిపెట్టడమనే తప్పు నేను చేయలేదు.
23 ఆయన తీర్పులన్నీ+ నా ముందు ఉన్నాయి;నేను ఆయన శాసనాల నుండి పక్కకు మళ్లను.
24 నేను ఆయన ఎదుట ఎప్పటికీ నిందలేని వాడిగా ఉంటాను,+చెడుకు దూరంగా ఉంటాను.+
25 నా నీతిని బట్టి, ఆయన ముందు నా నిర్దోషత్వాన్ని బట్టియెహోవా నాకు ప్రతిఫలమివ్వాలి.+
26 విశ్వసనీయంగా ఉండేవాళ్లతో నువ్వు విశ్వసనీయంగా ఉంటావు;+నిర్దోషులతో* నిర్దోషంగా ప్రవర్తిస్తావు;+
27 నిజాయితీపరులతో నువ్వు నిజాయితీగా ఉంటావు,+వంకరబుద్ధి గలవాళ్లతో యుక్తిగా వ్యవహరిస్తావు.+
28 నువ్వు వినయస్థుల్ని రక్షిస్తావు,+గర్విష్ఠుల్ని వ్యతిరేకిస్తావు, వాళ్లను కింద పడేస్తావు.+
29 యెహోవా, నువ్వే నా దీపం;+యెహోవాయే నా చీకటిని వెలుగుగా మారుస్తాడు.+
30 నీ సహాయంతో నేను దోపిడీ ముఠాతో పోరాడగలను;దేవుని శక్తితో నేను ప్రాకారం మీదుగా దూకగలను.+
31 సత్యదేవుని మార్గం పరిపూర్ణమైనది;యెహోవా మాట స్వచ్ఛమైనది.+
తనను ఆశ్రయించేవాళ్లందరికీ ఆయన ఒక డాలు.+
32 యెహోవా తప్ప దేవుడు ఎవరు?+
మన దేవుడు తప్ప ఆశ్రయదుర్గం* ఎవరు?+
33 సత్యదేవుడే నా బలమైన కోట,+ఆయనే నా మార్గాన్ని పరిపూర్ణం చేస్తాడు.+
34 ఆయన నా కాళ్లను జింక కాళ్లలా చేస్తాడు;ఎత్తైన స్థలాల మీద నన్ను నిలబెడతాడు.+
35 ఆయన, యుద్ధం కోసం నా చేతులకు శిక్షణ ఇస్తాడు;నా చేతులు రాగి విల్లును వంచగలవు.
36 నువ్వు నీ రక్షణ డాలును నాకు ఇస్తావు,నీ వినయం నన్ను గొప్పవాణ్ణి చేస్తుంది.+
37 నువ్వు నా అడుగుల కోసం దారిని వెడల్పు చేస్తావు;నా పాదాలు జారవు.+
38 నేను నా శత్రువుల్ని తరిమి వాళ్లను నిర్మూలిస్తాను;వాళ్లు తుడిచిపెట్టుకుపోయేంత వరకు నేను వెనక్కి రాను.
39 వాళ్లు మళ్లీ లేవకుండా నేను వాళ్లను పూర్తిగా తుడిచిపెట్టి, నలగ్గొడతాను;+వాళ్లు నా పాదాల కింద కూలతారు.
40 యుద్ధం కోసం నువ్వు నాకు శక్తినిస్తావు;+నా విరోధులు నా ఎదుట కూలిపోయేలా చేస్తావు.+
41 నా శత్రువులు నా దగ్గర నుండి పారిపోయేలా చేస్తావు;+నన్ను ద్వేషించేవాళ్లను నేను అంతం చేస్తాను.+
42 వాళ్లు సహాయం కోసం మొరపెడతారు, కానీ రక్షించేవాళ్లెవ్వరూ ఉండరు;వాళ్లు యెహోవాకు కూడా మొరపెడతారు, కానీ ఆయన వాళ్లకు జవాబివ్వడు.+
43 నేను వాళ్లను భూమ్మీద ధూళి అంత మెత్తగా నలగ్గొడతాను;వాళ్లను పొడిలా చేసి వీధుల్లోని మట్టిలా తొక్కుతాను.
44 తప్పులు పట్టే నా ప్రజల నుండి నువ్వు నన్ను రక్షిస్తావు.+
దేశాల అధిపతిగా ఉండేందుకు నువ్వు నన్ను కాపాడతావు;+నాకు తెలియని ప్రజలు నన్ను సేవిస్తారు.+
45 విదేశీయులు వచ్చి నాకు వంగి నమస్కారం చేస్తారు;+వాళ్లు నా గురించి విన్న విషయాలు వాళ్లు నాకు లోబడేలా చేస్తాయి.
46 వాళ్లు ధైర్యం కోల్పోతారు;*వాళ్లు వణుక్కుంటూ తమ కోటల్లో నుండి బయటికి వస్తారు.
47 యెహోవా సజీవుడు! నా ఆశ్రయదుర్గం*+ స్తుతించబడాలి!
నన్ను రక్షించే ఆశ్రయదుర్గమైన* నా దేవుడు హెచ్చించబడాలి.+
48 సత్యదేవుడు నా తరఫున పగతీర్చుకుంటాడు;+దేశదేశాల ప్రజల్ని నాకు లోబరుస్తాడు;+
49 ఆయన నా శత్రువుల నుండి నన్ను కాపాడతాడు.
నామీద దాడిచేసే వాళ్లకన్నా నన్ను నువ్వు పైకి ఎత్తుతావు;+దౌర్జన్యం చేసేవాడి నుండి నన్ను కాపాడతావు.
50 అందుకే యెహోవా, అన్యజనుల మధ్య నేను నీకు కృతజ్ఞతలు చెల్లిస్తాను,+నీ పేరును స్తుతిస్తూ పాటలు పాడతాను:*+
51 ఆయన తన రాజు కోసం గొప్ప రక్షణ కార్యాలు చేస్తాడు;*+తాను అభిషేకించిన దావీదు మీద,అతని సంతానం* మీద ఎప్పటికీ విశ్వసనీయ ప్రేమ చూపిస్తాడు.”+
అధస్సూచీలు
^ లేదా “పెద్ద రాతిబండ.”
^ అక్ష., “బండరాయి.”
^ లేదా “ఎత్తైన స్థలం.”
^ లేదా “గాలి.” పదకోశంలో “రూ-ఆహ్‌; న్యూమా” చూడండి.
^ లేదా “విశాలమైన.”
^ అక్ష., “స్వచ్ఛతను.”
^ లేదా “నిందలేని వాళ్లతో.”
^ అక్ష., “బండరాయి.”
^ లేదా “వాడిపోతారు.”
^ అక్ష., “బండరాయి.”
^ అక్ష., “బండరాయి అయిన.”
^ లేదా “సంగీతం వాయిస్తాను.”
^ లేదా “గొప్ప విజయాలు ఇస్తాడు.”
^ అక్ష., “విత్తనం.”
