Anyoin bo Ajakanut naka Edeke?
Ti ijo kitema ebe erai . . .
-
ibore yen ejai otau kon?
-
awaragat?
-
apugan nejai toma akuj?
NUEBALA EBAIBULI
“Edakakini Edeke loka akuj ajakanut namam emudiario ikar kere.”—Daniel 2:44, Kotoma Obaibuli Loka Ateso Lo 1961.
“Kiinakinitai oni ikoku, yenisapat: Ejaenena rwaru airum okeperike.”—Isaia 9:6.
INYOIN BO APOLOU KANGIN KANEIJAI IJO
-
Apugan naedolit naepedori aimedaikin ijo kwape itunganan.—Isaia 48:17, 18.
-
Kotoma akwap nakitetet naebunit, eraun aijar naedolit keda naiyalama.—Apukokinio 21:3, 4.
KONYE KIPEDORI KEREKA ONI CUT ACAMUN NUEBALA EBAIBULI?
Eebo, kanu akiro arei:
-
Abu Yesu kitodu nuebuni Ajakanut Naka Edeke aswam. Abu Yesu kisisisianak ikesisiak ailipenenen Ajakanut Naka Edeke abunere toma akwap kwape kiswama kotoma akuj. (Matayo 6:9, 10) Abu Yesu kitodia eipone loebeitor abongokin ailipasit ngin.
Ne ajaar toma akwap, abu Yesu kitanyam luariebi etenge, lukadekak, keda aitajarun lukatwak! (Matayo 15:29-38; Yokana 11:38-44) Kwape epugan lokoingaren Lokajakanut Naka Edeke, abu Yesu kitetem jokan nuebuni Ajakanut naka Edeke aiswamaikin ngul luigangitos akejakanut.—Apukokinio 11:15.
-
Ejautene loka akwap itodunit ebe edodor Ajakanut Naka Edeke abunere. Abu Yesu kitetemite ebe eroko Ajakanut eyaunia ainapakin toma akwap, konye eroko ngun etakanuna ebuni akwap wok araun naipu ijiisio, ebel, keda amaren naka akwap.—Matayo 24:3, 7.
Kiseseni oni atiokisio ngun akwap lolo. Aso ipedori do oni amunokin cut ebe edodor Ajakanut Naka Edeke aitinang atiokisio ngun kere.
KOMOOM NUU
Ebuni bo aijar aikwaikin ai neipuga Ajakanut Naka Edeke?
Ebongokinit Ebaibuli aingiset ngin kotoma ISABULIN 37:29 ka ISAIA 65:21-23.
You May Also Like
ESSENTIAL BIBLE TEACHINGS
Anyoin bo Ajakanut Naka Edeke?
Kotoma alimonokin naka Yesu kere, abu Yesu isisianak nuikamunitos Ajakanut Naka Edeke adepar adiokiro kere. Adaun ikar luipu, ilipete itunga kanu Ajakanut ngin abunore.
NUIKAMUNITOS ISIO
Kanukinyo Ibusakinitor Aisisia Ebaibuli?—Ebidio Loeoja
Ijaikinit Ebaibuli abongonokineta nuka aingiseta nuepolok kotoma aijar neejaas imilionin luka itunga anatar akwap kere. Ikoto kereka ijo da adumun abongonokinetakon?
