“Ngin kirot naiwadikaitai naiyengakit Edeke.”​—2 Timoteo 3:16.

Abongonokineta nukangiseta nuapolok nukaijar nuisimonokinete.​—Awaragasia 2:1-5.

Aicoreta nuka abeit nuingarakinete kangin paaran kotoma aijar.​—Isabulin 119:105.

Amuno naka abeit nakoingaren.​—Iromayon 15:4.

Eebo, kanu akiro auni:

• Ecamanara kaumokina. Itunga 40 luegelegela kes kiwadikaitos Ebaibuli adaun ikaru luedeparitos 1,600. Luipu kakesi mam apotu kiriamununos. Konye, Ebaibuli kere ecamanara keda akirot adiopet naepol!

• Emunono kotoma aiwadikaeta nukolosek. Ewadikak lukakwap kes kisunyitos katipet araparap aibucanareta nuka ikec itunga. Kotoma aitirrian, ewadikak Ebaibuli kes apotu kiwadikata abucanareta kec ka nuakwap kec.​—2 Aisiitonokin 36:15, 16; Isabulin 51:1-4.

• Adwareta nuitodolikinos. Adwarit Ebaibuli amudiaro naka eibuga loka polon lokolosek Babulon ikaru luedolitos 200 eriko etakanuna. (Isaia 13:17-22) Mam itodunit eipone loamudiarere Babulon bon konye itodunit ekiror loka ekapikoran!​—Isaia 45:1-3.

  Adwareta nuipu nuka Ebaibuli kes apotu kitodolikinos kaidules. Konye mam kereka ngun araas nuimuno oni kanejai akirot naka Edeke?​—2 Petero 1:21.