Shighe u i wuhe Paulu man Shila ken purusu la, ve wa icam ve wuese Yehova. (Aer 16:25) Icam i ve wa la, na ve agee a zan hemen u wan ishima je ka ashe tugh ga. Se nyian di ye? Atsam a se we ken mbamkombo asev man atsam a ase agen a se we ken mbamkombo ga la, ka a fatyô u taver se ishima shi wasen se u zan hemen u civir Aôndo sha mimi shighe u se tagher a mtaver yô. Kpa kwagh u hemban cii yô, atsam ne ka a wuese Yehova. (Ps 28:7) I taver se ishima ér, a hemba kpa, se kôr asember a atsam ne agen ken ityou. U nôngo u er kwagh ne vee? Se fatyô u wan iyol sha atsam la, shi henen asember a atsam shon, shighe u se lu eren mcivir u hen tsombor yô.

NENGE VIDIO I MBAYEV WUESE YEHOVA KEN ICAM LA, MAA NA MLUMUN SHA MBAMPIN MBA VE DONDO NE:

• Ka sea waan atsam a Tartor yô, kwagh ne a fatyô u benden a vese sha gbenda u injaa nena?

• Gbaatom u eren icer i ungwan a ungwa man uvidio la ka a wa agoyol u kuran icam nena?

• Mbayev man icombor ve ka ve wa agoyol u kuran icam nena?

• Ka atsam a Tartor a han, a hembe doon we, man ka sha ci u nyi?