Shighe u mkombo u Umbur Ku u Yesu ne ka ian i dedoo i gbidyen kwar sha averen a naagh ku ipaan kura ku ne yô, i lu u se va zua a mi ken hemen la, er mnder u shin ku nahan. Mayange Yehova yange wa ishima ér uumace ve kpeen ga. Ka nahan ve, ku u or wase u lu kwagh u hemban vihin shin nyoon se cii ye. (1Kor 15:26) Shighe u Yesu nenge mbahenen nav lu zungwen ku u Lasaru yô, vihi un tsung. (Yoh 11:33-35) Er Yesu a suwa a suwa Ter na yô, se mba a vangertiôr ser kape Yehova kpa ka sea vaan shin sea zungwen ku u or wase ve i vihi un je la. (Yoh 14:7) Yehova kegh a kegh iyol u nderen mbacivir un shin ku sha shighe u a ver la, man se kpa doo u se ver ashe se keghen shighe la.—Yob 14:14, 15.

Er Yehova a eren kwagh nzughul nzughul ga yô, se mba a vangertiôr ser mnder u shin ku kpaa una lu nzughul nzughul ga. (1Kor 14:33, 40) Hen shighe la, kwagh u ikyu iin una bee, sea za kohol mape yô, i lu sha u ngohol mba a lu nderen ve shin ku la. Ka u gbidye kwar sha kwagh u mnder u shin ku la, hemban je yô, shighe u u lu zungwen kpa? (2Kor 4:17, 18) Ka u sugh Yehova er a ne iyua i ipaan la, shi a pase se ken Ruamabera ér mbakpenev vea va hide a lu uma la kpa?—Kol 3:15.

• Ka azende a ou shin anmgbianev ou mba han nahan u lu veren ashe tsung u va nengen a ve?

• Ka hanma or u i er kwagh u nan ken Bibilo nahan u lu veren ashe u va nengen a nan shi lamen a nanaa?