Kwagh u yange er Mbaiserael zum u ve lu ikyua a tar u Moabi la ka kwagh u tan Mbakristu icin nyian. (1Ko 10:6, 8, 11) Mbaiserael mba yange ve hii u lun imôngo vea kasev mba Moabi mba civir akombo shi wan idya la, i mee ve ve er asorabo a vesen. Kwagh u vihin tsung yange due ken ieren ve ne. (Nu 25:9) Mba se eren tom ijiir i môm a ve, man mba se za makeranta imôngo a ve, kua mba ve we ndor a vese man mba se dugh tsombor môm, man mbagenev mba se fe ve yô, mba civir Yehova ga. Kwagh u i nger ken Bibilo ne una wase se u henen sha akaabo a aa tser se aluer se ya ijende kôôsôô a ambaaior ne nena?

NENGE VIDIO I KWAGH U ER MBAISERAEL LA A̱ LU SE ICINTAN—VIDIO I TIÔNÔÔ LA, MAA NA MLUMUN SHA MBAMPIN MBA VE DONDO NE:

• Ka kwagh u shami ga u nyi yange Shimeri lu ôron Yamin?

• Pinehashi yange wase Yamin u kaven kwagh u a lu u vough la nena?

• Ka nyi i lu mkposo u u yan ijende a or u nan civir Yehova ga man u lun a nan sar sar la?

• Er nan i doo u se tsuan azende ase sha kwaghfan, kua ken tiônnongo je kpaa?

• Er nan i doo u se palegh u lamen a ior mba se fe ve kpôô kpôô ga la, sha ajiir a lamen a ior a sha Intanet laa?