Yehova, “Aôndo u sar sar,” la soo ér kwaghpasen a lu tom u van se a msaanyol. (1Ti 1:11) Er se lu fan igbenda i pasen kwagh seer la, kape a lu seer u saan se iyol u eren tom ne je la. Mbampin mba pinen ka ve ngagh isharen i or, shi ka gbenda u sha gbaaôndo u hiin liam a or. Mbampin ka ve wase or u henen sha kwagh shi gbidyen kwar. (Mt 22:41-45) Ka sea pine or mpin shi sea kegh ato u ungwan kwagh u nan lu ôron la yô, se tese nan ser nan gba se kwagh. (Yak 1:19) Mlumun u nan la una wase se u fan er se lam a nan ve a hemba doon yô.

NENGE VIDIO I EREN TOM U GEMAN IOR HINGIR MBAHENEN LA ER A SAAN WE IYOL YÔ—SEER FAN IGBENDA I PASEN KWAGH—PINEN MBAMPIN LA, MAA NA MLUMUN SHA MBAMPIN MBA VE DONDO NE:

• Ka aeren a dedoo a nyi Jade a tese ér un ngu a mini?

• Neeta pine mbampin sha gbenda u tesen ér kwagh u Jade gba un ishima nena?

• Neeta pine mbampin sha gbenda u wasen Jade u seer lun a isharen sha loho u dedoo nena?

• Neeta pine mbampin mba vea wase Jade u henen sha kwagh shi gbidyen kwar nena?