Aipor 1-7
PASALMI 23-25
Icam 4 man Msen | Mkaanem ma Hiin Mkombo (Miniti 1)
1. “TER Ka Orkuran Mo”
(Miniti 10)
Yehova hemen se (Ps 23:1-3; w11 7/1 28 ¶3)
Yehova kuran se (Ps 23:4; w11 7/1 28 ¶4)
Yehova koson se (Ps 23:5; w11 7/1 28 ¶5)
Yehova nengen sha ior nav vough er orkuranilev ka nan ver ishima sha iyôngo i nan nahan.
PINE IYOL YOU WER, ‘Yehova nenge sha a mo nena?’
2. Akaainjaa a ken Bibilo
(Miniti 10)
-
Ps 23:3—Ka nyi i lu “igbenda i perapera,” man ka nyi se er ve se za hemen u zenden sha i? (w11 2/15 24 ¶1-3)
-
Ka akaainjaa a nyi u zough a mi ken Bibilo i ôron i ken kasua ne a u soo u ôron mbageneve?
3. Bibilo i Ôron
(Miniti 4) Ps 23:1–24:10 (th kwaghhenen u sha 5)
4. U Hiin Iliam a Or
(Miniti 3) SHIGHE U IAN I DUGH YÔ. Or la nan ôr a we ér gbenda u uumace ve lu vihin akaa sha tar la na ishima za nan iyol. Tese nan ivur Bibilo i ia taver nan ishima yô. (lmd ityough 2 ityôkwagh i sha 5)
5. Wase Mba ve Soo u Fan Mimi La
(Miniti 4) SHA UYA UYA. Tese or u ú ne nan antakeda u Lu Uma Gbem! la er ka se hen Bibilo a ior yô. (lmd ityough 9 ityôkwagh i sha 3)
6. Gema Ior ve Hingir Mbahenen
Icam 54
7. Se Venda ‘Imo i Mba i Fe Ve Ga’ La
(Miniti 15) Kwaghôron u wan mba u lu lamen a ve la ker.
Iyôngo ka i fa ikyenge i orkuran u i shi i dondo sha nan kpaa. Kpa ka a lu ikyenge i or u i fe nan ga yô i gema i yevese. (Yh 10:5) Se kpa Yehova man Yesu ka Mbakuran se mba lun a jighjigh shi se doo ve ishima, nahan se mba ongo imo ve. (Ps 23:1; Yh 10:11) Kpa ka se venda u ungwan imo i ior mba se fe ve ga, mba ka ve ôr “akaaôron a mimi ga” sha u vea na jighjigh wase a ndôhôr la.—2Pe 2:1, 3.
Genese ityough itiar la ôr kwa u yange i hii ungwan ikyenge i or u i fe nan ga shin tar yô. Satan yange lam a Ifa sha gbenda u una fa or u nan lu lamen a na la jighilii ga yô. Yange lam a Ifa er ka ijende i mimi nahan, kpa jighilii yô, goom a mkaanem ma Yehova man awashima na la. Kwagh er vihi yô, Ifa ungwa imo i Satan, nahan kwagh la va un a ican kua tsombor na.
Nyian ne, Satan ka a nôngo ér se ta akperan sha kwagh u Yehova man nongo na sha u samber a abaver a bo, shi a ôr akaa a mimi kpuaa a nungwa mbaaie sha mi. Shighe u se ongo imo i or u se fe nan ga yô, se yevese! U keghen ato a imo ne cuku tseegh kpa ka kwaghbo. Shighe u Satan lam a Ifa kpase la, yange er tom a asember a me u tsughun unu? (Ge 3:1, 4, 5) Kpa shighe u or u se fe nan shin or wase u kôôsôô nan hii u ôron se kwagh geseghee sha ior mba Yehova di ye?
Tese VIDIO i Venda “Imo i Mba Se Fe Ve Ga La.” Maa pine mba u lu lamen a ve la wer:
Ka nyi u hen ken kwagh u Jade a er shighe u ngô na u a civir Yehova ga la a hii u ôron un akaa a mimi ga sha ior mba Yehova laa?
8. Bibilo i Henen ken Tiônnongo
(Miniti 30) bt ityough 8 ¶1-4, ngeren mba kiriki mba sha peeji 61-62
