Dooshima ka a na mba hen tsombor ve lu kangenaa. Aluer dooshima ngu hen tsombor ga yô, a taver tsombor u lun ken mzough shi eren kwagh imôngo. Noov man kasev kua mbamaren vea tese mba hen tsombor ve dooshima nena?

Nom u lun a dooshima ka nan lumun a mnenge u kwase u nan, shi nan nengen sha mbamgbe mba nan, shi nan eren a kwase u nan er nana yue ga yô. (Ef 5:28, 29) Ka nan koson tsombor u nan, shi nan wasen u u eren akaa a ken jijingi, er u eren Mcivir u Tsombor u aikighe la hanma shighe nahan. (1Ti 5:8) Kwase u lun a dooshima ka nan ungwan imo i nom u nan shi nan naan nom u nan “icivir tsung.” (Ef 5:22, 33; 1Pe 3:1-6) Shi gba u ve cii vea kegh iyol u den ayol a ve kwaghbo sha mimi. (Ef 4:32) Mbamaren mba lun a dooshima ka ve tese hanma wanye ve dooshima shi ve tese ve u soon Yehova. (Dut 6:6, 7; Ef 6:4) Shi ka ve nôngo u fan akaa a a lu zan mbayev vev iyol sha makeranta la; shi ve tese mbayev vev kwagh u vea er shighe u mbakwar ve ve lu kighir ve ér ve er kwagh u shami ga la kpaa. Aluer dooshima ngu hen tsombor yô, hanma or nana tema a kundu nan iyol.

NENGE VIDIO I TESEN DOOSHIMA U BEEN MAYANGE GA HEN TSOMBOR WOU LA, MAA NA MLUMUN SHA MBAMPIN MBA VE DONDO NE:

• Nom u lun a dooshima ka nan koson kwase u nan shi nan ver ishima sha nan nena?

• Kwase u lun a dooshima ka nan naan nom u nan civir tsung nena?

• Mbamaren mba lun a dooshima ka ve tese mbayev vev mkaanem ma Aôndo nena?