PASEN KWAGH SHA GBASHIMA | SEER ZUAN A MSAANYOL KEN TOM U PASEN KWAGH
Tesen Sha Gbashima
Aluer se mba tesen ior sha gbashima yô, vea hemba veren ishima sha kwagh u se lu tesen ve la, shi a tese ér loho wase la kpa ngu a inja. Aluer ka nyi or je se lu shin se due han je kpa, se fatyô u tesen sha gbashima. (Ro 12:11) Se er kwagh ne nena?
Hiihii yô, hen sha mluainja u loho wou la. U ngu a ian i icivirigh i “yôôn loho u dedoo.” (Ro 10:15) Sha uhar yô, hen er loho u dedoo ne ua fatyô u geman uma u ior mba u lu lamen a ve la una hemba doon yô. Kpa gba u vea vande ungwan loho wou la. (Ro 10:13, 14) Kwagh u masetyô yô, iliam you i tese gbashima. Lamen dughun ave sha marami, ishigh you kpa ki tesen mimi u kwaghôron wou la.
NENGE VIDIO I EREN TOM U GEMAN IOR HINGIR MBAHENEN LA ER A SAAN WE IYOL YÔ—SEER FAN IGBENDA I PASEN KWAGH—TESEN SHA GBASHIMA LA, MAA NA MLUMUN SHA MBAMPIN MBA VE DONDO NE:
-
Ka nyi yange i na ve gbashima u Neeta lu a mi sha Bibilo i lu henen vea Jade la va panda?
-
Ka nyi i wase Neeta ve hide lu a gbashima?
-
Gbashima wase la ka a bende a mbagenev
Er nan ve i doo u se hemba veren ishima sha aeren a dedoo a ior mba se lamen a ve laa?
-
Gbashima wase la una fatyô u benden a mba se lu henen Bibilo a ve la kua mbagenev nena?
