‘Mba Er Kwagh U Erdoo Man Dooshima’

KEN anyom á á sember karen ne, i yôô angwe sha iyol i Mbashiada mba Yehova mba ke’ tar u France tsusee sha u vihin ve iti shi tuhwan ve kpaa. Mbaahendanev yar tom a mbaaie mba eren kua mkaanem ma ôron sha iyol i Mbashiada geseghee sha u vea na ior ve̱ goho ve ishe yô. Ke’ mhii u inyom i 1999 la, Mbashiada mba Yehova mba ke’ tar u France ci ca cii kar ior kwatakerada u i yer ér Ior i France, Mba Tsughun Ne! la kuma ukôpi miliôn 12. Yange ve venda mkaanem ma vihin iti ma yange i lu ôron sha iyol ve la ke’ kwatakerada ne.

Yange mba yee angwe la mba been ayange nga karen kpuaa yô, Jean Bonhomme, ortwer ugen u yange vande zan Idyu ke’ tar la yô, nger washika u ke’ igbar tindi a mi he’ pipaabaver igen i ke’ tar la. A nger wener: “Ashighe agen Mbashiada mba Yehova ka ve va he’ ya wam. Ka ve va i lu u va lamen a mo sha kwagh u erdoo man dooshima u sha tar cii la. . . . Mba nyerem he’ ya sha apera ga. Ka ve lam bem bem shi ve kegh ato zulee ve ungwa ahon am a gban la.”

Ngur ôron kwagh u mnenge u Mbashiada mba Yehova ve nengen akaa a ke’ jijingi la yô, Bonhomme kaa ér: “Ashe a ve bugh sha akaa a taregh ga la taver kpishi u a̱ nzughul ma kwagh yô. Kpa, mfe u mbapativ mbagenev ve ban a mi sha akaa a taregh la yô, hemba kan kwagh u anger bem u marnya u tar ne man mluimôngo u tyôô cii.”