Suur sha Yehova Hanma Shighe Cii!
“Ne ikyurior ne, suur nen sha a Na hanma shighe.”
1-3. Paulu yange lu a vangertiôr ér una fatyô u suur sha Yehova sha ci u nyi? (Nenge foto u a lu sha mhii u ngeren ne la.)
YANGE lu kwagh u ican kpishi u lun Orkristu ken Roma. Yange i kôr mbadondon Kristu ihyom tsung ken inyom i 64, shighe wase (S.W.) ne, sha ci u i kaa ér, ve nande gar u Roma la, shi ve soo uumace ga. Yange wea lu Orkristu sha shighe la yô, we kpa alaghga hanma iyange i kôr u shi i na u ican. Shi ma u nenge er inyamtoho i lu anden anmgbianev ou mba ken jijingi, shin er i mande ve sha kon, shi i nande ve uma ér iwanger i ta tugh yô.
2 A shi nan kpa, lu hen shighe u vihin tsung ne i wuhe apostoli Paulu sha kwa har ken Roma ye. Mbakristu mbagenev va na un iwasen je he? Sha hiihii la, adooga Paulu nenge ér or a na un iwasen ne ga, sha ci yange nger hen Timoteu ér: “Sha iyolpalegh yam i sha hiihii yô, ma or ta ken mo ga, i kendem tswen, kpa i̱ de ne ve ibo sha mi ga.” Er kwagh lu nahan kpa, Paulu gema zua a iwasen hen Yesu. A kaa ér: “Nahan kpaa Ter yô tile a mo her, A nam agee.” Mimi yô, Ter Yesu yange na Paulu agee a gba u una
3 A shi nan kpa er Paulu umbur iwasen i Yehova na un la yô, kwagh ne taver un ishima, shi wase un u nan jighjigh ér Yehova una wase un u nôngon a atsan aa lu tagher a mi, man aa adooga una va tagher a mi ken hemen la kpaa. Maa fese je a kaa wener: ‘Ter Una yimam sha hanma tom u dang’ cii. (2 Tim. 4:18) Sha mimi yô, Paulu kav ér aluer uumace fatyô u wasen se er se soo la ga je kpa, Yehova man Wan na yô, vea na se iwasen jim jim!
AAN A SE LU A MI A ‘SUUR SHA YEHOVA’ YÔ
4, 5. (a) U fatyô u zuan a iwasen i u soo la hanma shighe cii hen ana? (b) U fatyô u taver ikyar i u ye a Yehova la nena?
4 Ashighe agen ka i lu u inja er u ngu nôngon a ma zayol we tswen yôô? Adooga u ngu keren tom shin u ngu tagher a mbamkighir ken makeranta shin u ngu nôngon a angev gayô ma zayol ugen. Adooga u pine iwasen hen mbagenev, kpa ve fatyô u nan we iwasen i i gbe u vea na u la ga, nahan u va ahenge. Kpa sha kpôô yô, mbamzeyol mbagenev uumace vea fatyô u sôron ga. Sha ashighe la nahan, shi kwaghwan u Bibilo u a kaa ér, ‘suur sha Yehova’ la ngu a iwasen je he? (Anz. 3:
5 Sha nahan yô, aluer i na u iwasen i u soo la ga kpa, lu a mnenge u apostoli Paulu kpa lu a mi la. Nenge wer kwagh ne bugh u gbenda u suur sha Yehova vangertiôr, nahan u nenge er una tese u ikyo i wan man dooshima yô. Kwagh ne una wase u u hemba suur sha a na, shi ikyar i u ye a na la kpa ia seer taver.
SAA SE SUUR SHA YEHOVA VE SE YA IKYAR A NA YE
6. Adooga ka i hemba lun se ican u suur sha Yehova shighe u se lu ken zayol la sha ci u nyi?
6 U fatyô u pasen Yehova zayol wou ken msen, nahan zuan a bem ishima, sha ci u u fa wer u er kwagh u fatyô la cii sha zayol wou shon, nahan Yehova una mase eren kwagh u a shi la kpa? Een, u fatyô yum! (Ôr Pasalmi 62:8; 1 Peteru 5:7.) Aluer u hen u eren kwagh u hange hange ne yô, u fatyô u yan ikyar a Yehova. Kpa ka ican kpishi u suur sha Yehova wer una na u kwagh u u soo la. Sha ci u nyi? Ityôkyaa i môm yô, ka hanma shighe cii Yehova a ongo msen her ave a ave ga.
7. Yehova eren se hanma kwagh u se sen un la her ave a ave ga sha ci u nyi?
7 Yehova eren se hanma kwagh u se sen un la her ave a ave ga sha ci u nyi? Umbur wer Yehova tôô ikyar i se ye a na la kar sha mlu u ter a wan. (Ps. 103:13) Wan nana fatyô u nengen ér ter u nan a er hanma kwagh u nan sen la ga, shin i er un her ave a ave je ga. Adooga akaa a wan nan soo ér i er nan la a lu a ikyoo ga. Akaa agen ka i gba u a kegh zan zan shighe u eren a una kuma. Shi alaghga akaa ne agen aa lu wan la shin mbagenev a iwasen hen shighe la ga. Heela tseegh ga, aluer hanma kwagh u wan a sen cii, maa fese je ter na er yô, tese ér mlu u ter a wan la gema, wan la hingir ter, ter la di hingir kpan u wan na la. Sha ci u iwasen yase yô, Yehova kpa adooga una de ér shighe a kar cii ve una tese se wang ér un ungwa mbamsen asev ye. Ka Yehova a lu Orgban se u fankwagh shi a lu Ter u dooshima kua Ter wase u Sha ye, nahan a hemba fan er una ungwa mbamsen asev yô. Aluer hanma kwagh u se sen un cii, maa fese je a er yô, tese ér ka un a lu ter ga.
8. Yehova tôndo zwa ér una er nyi shighe u se tagher a zayol u hemban se agee ken inya laa?
Ps. 103:14) Sha nahan yô, a ver ishima ér se wa ishima a mbamzeyol sha tahav asev ga, kpa ka a na se iwasen i ter a wan. Nahan kpa, alaghga ashighe agen se nenge ser kwagh hemba se. Kpa Yehova pase se wang ér mayange una de ér mbacivir un ve ya ican a mzeyol u a hembe ve agee ken inya ga. Mimi yô, una ‘bugh ve gbenda.’ (Ôr 1 Mbakorinte 10:13.) Sha nahan yô, se mba a ityôkyaa injaa i suur sha Yehova ser ka un a fe kwagh u se fatyô u wan ishima a mi la vough ye.
8 Kwagh ugen yô, Yehova fa mbamyen asev cii. (9. Aluer se er msen, se sôn iwasen kpa se zua a mi fese ga je kpa, ka nyi i doo u se ere?
9 Aluer se er msen, se sôn iwasen kpa se zua a mi fese er se hen la ga je kpa, de se kegh nen Un u a fe shighe u hemban doon u una ungwa msen wase la. Umbur wer Yehova kpa ngu wan ishima keghen, gadia sar un tsung u yiman se. Bibilo kaa ér: “TER yô, Una kegh, sha u eren a ven dedoo, ka nahan man A kende iyol Na sha, sha u Una zungwe ne mhôônom ye; gadia TER, ka Aôndo u ôron ijir je; saan mba ve keghen Un la cii iyol!”
“ZWA U BEGHA”
10-12. (a) Ka nyi ia na ve alaghga a lu Orkristu ican kpishi u nengen sha or u nan, u nan gbe icôronuange laa? (b) Aluer or nan ngu suur sha Yehova sha ashighe a ican yô, kwagh la una wase ikyar i nan ye a na la nena? Tese ikyav.
10 Er Paulu nahan, aluer u ngu yan ican tsung yô, alaghga a lu u inja er u nyôr ken “zwa u begha” shin u ngu ikyua ikyua a u nahan. Sha ashighe la nahan, ka i lu ican kpishi u suur sha Yehova, kpa ka hange hange u suur sha a na. U tesen ikyav yô, tôô ase wer u ngu nengen sha or u hen tsombor wou u nan gbe icôronuange yô. Alaghga u er msen wer Yehova a na u tahav man kwaghfan. * Aluer u umbur wer Yehova nenge shi a fa zayol wou la yô, a pever we iyol. Una wase u u wan ishima shi civir un sha mimi.
11 Adooga ashighe agen akaa a na a lu inja er Yehova ngu wasen we ga nahan. Alaghga mbatwerev gba zwa môm sha kwagh u twer u i gbe u a er la ga. Shin anngôôv ou mba yange u hen wer vea sur u ishima la, gema na kwagh vihi hemba gban kera. Suur sha Yehova, a na u tahav. Za hemen u kporom ikyua a na. (Ôr 1 Samuel 30:
12 Kape kwagh u anmgbian u kwase ugen u i yer un ér, Linda * la, yange lu vough je la. Un yange wase u nengen sha mbamaren nav mba ve lu uange anyom imôngo cii ve ve mase saan ku la. A kaa ér: “Shighe u mbamaren av lu uange la, ashighe kpishi i taver mo man nomom kua anngôm u nomso u fan kwagh u se er yô. Ashighe agen i lu se inja er kwagh hemba se nahan. Kpa ka sea hide sea gbidye kwar sha mi yô, se kav er Yehova yange lu a vese yô. Yange na se ishimataver man kwagh u se soo la vough, kua sha ashighe aa lu inja er se kera fa kwagh u se er ga la je kpaa.”
13. Anmgbian u kwase ugen yange suur sha Yehova nahan, wase un u nôngon a atsan kpishi a a tagher a mi la nena?
13 Aluer se suur sha Yehova vangertiôr yô, kwagh ne kpa una fatyô u wasen se shighe u se tagher a ican yô. Shighe u nom u anmgbian u kwase ugen u i yer un ér Rhonda la, lu nôngon ér una pav ivaa a na la, mbatwerev zua anmgbian u Rhonda u nomso a bouange ugen, u i yer ér lupus la.
Iwer ngi kar kpuaa yô, kwase u anmgbian na ne kpe. Ka va hiin u zôôm Rhonda iyol sha akaa a a er ne yô, a hii u eren pania u keke la. Ica gba ga tsô maa ngô na kpa shi kpe. Lu nyi i wase Rhonda ve wa ishima? A pase wener: “Yange m lamen a Yehova hanma iyange, a lu sha akaa a kiriki je kpaa. Kwagh ne na yô, m hingir kôôsôô a Yehova. Kwagh ne tesem u suur sha Yehova, kera suur sha agee a am shin sha ior mbagenev je kpaa ga. Yehova yange wasem sha mimi. Ugbayol av cii a nenge sha mi. Sha nahan yô, m fa kwagh u a lu u zenden ikyooso ikyooso a Yehova la.”14. Aluer i dugh anngôu ken tiônnongo kera yô, Yehova una fatyô u wasen we nena?
14 Nenge ase ikyav igen kpaa. Tôô ase wer i dugh anngôu u ne lu kôôsôô yô ken tiônnongo kera. Ken Bibilo you i henen la, u fa er i gbe u a er kwagh a or u i dugh nan ken tiônnongo kera la yô. (1 Kor. 5:11; 2 Yoh. 10) Nahan kpa, ashighe agen alaghga a taver we kpishi u eren kwagh a or wou u i dugh nan kera la er i gbe u a er a nan la, shin adooga u venda u dondon kwaghwan u Bibilo la kuaa je kpaa. * U fatyô u suur sha Teru u Sha la wer a na u tahav mbu ungwan imo na, dondon gbenda u Bibilo i tese ér i eren kwagh a or u i dugh nan kera la kpa? U nenge er kwagh ne a bugh u gbenda u taver ikyar you a Yehova, seer lun kôôsôô a na kpa?
15. Adam yange hemba Aôndo ato ken sule u Eden la sha ci u nyi?
15 Kwagh ne zua sha kwagh u yange er Adam, orumace u Aôndo hii gban la. Yange na jighjigh ér una hemba Aôndo ato kpa una kpe ga shinii? Ei, sha ci u Ruamabera kaa a vese ér Adam yô, “i tsugh 1 Tim. 2:14) Nahan kpa, hii nan ve yange hemba ato? A shi nan kpa Adam yange ya ityamegh ki kon u Ifa na un la sha ci u kwase na hemba doon un ishima a Yehova. Nahan yange ungwa imo i kwase na, lu i Yehova Aôndo ga.
16. Ka an i gbe u nana hemba doon se ishima ciilii, man ka sha ci u nyi?
16 Kwagh ne tese ér gba u anngôôv asev vea doo se ishima tsung ga shinii? Mayange ga cii! Gba u Yehova una hemba doon se ishima cii. (Ôr Mateu 22:
SHIGHE U SE LU KEGHEN LA
17. Aluer se mba eren tom u pasen kwagh la nduuruu yô, se fatyô u nan jighjigh ser Yehova una er nyi?
17 Yange i “yima” Paulu “ken zwa u begha” sha ci u nyi? A kaa ér: “Sha u m̱ ôr kwaghaôndo m̱ kure, atôatyev cii a̱ ungwa.” (2 Tim. 4:17) Aluer se mba eren tom u pasen kwagh la nduuruu er Paulu nahan yô, se na jighjigh ser Yehova una nenge ér akaa a a lu hange hange la cii un “seer” se a. (Mat. 6:33) Er se lu mbapasenkwagh u Tartor yô, i wa “Loho u Dedoo sha ikyev yase,” shi Yehova nenge se ér se mba ‘mbashirentom a na imôngo.’ (1 Tes. 2:4; 1 Kor. 3:9) Aluer se mba eren tom u Aôndo a ne se la kpoghuloo yô, a hemba lun se ican ga u keghen shighe u una ungwa mbamsen asev la.
18. Ka sha igbenda i nyi nahan se fatyô u suur sha Yehova shi taver ikyar i se ye a na laa?
18 Nahan, hanma sev cii yô, se nôngo ikyar i se ye a Yehova la i seer taver. Aluer ma kwagh na se ishimanyian yô, se de kwagh shon a wase se u seer kporom ikyua a Yehova. Sha kpôô yô, aluer se mba ôron Mkaanem ma Aôndo nduuruu, shi eren msen kpoghuloo, shi se uve ityough u eren akaa a ken jijingi yô, se fatyô u lun a vangertiôr ser Yehova una wase se u wan ishima a atsan a se lu tagher a mi hegen la cii, kua a alaghga aa va ken hemen la kpaa.
^ par. 2 Adooga yange i yima Paulu sha “zwa u begha” kpôô kpôô shin i yima un sha injakwagh.
^ par. 10 I gber ngeren mba vea wase Mbakristu mba ve gbe angev man mba ve nengen sha mbauange la u wan ishima yô. Nenge Awake! u Febewari 8, 1994 man Febewari 8, 1997 man Mai 22, 2000 kua Janawari 22, 2001 la.
^ par. 12 I gema ati a ve.
^ par. 14 Nenge ngeren u ken mgber ne, u a lu a itinekwagh ér, “Er I Hii Ve u Dughun Or ken Tiônnongo Kera la I Lu u Tesen Nan Dooshima Yô” la.
^ par. 16 I gber ngeren mba vea wase mba hen tsombor, mba ve til sha mi la u wan ishima, shighe u or ve nan undu Yehova la. Nenge ngeren mba ken Iyoukura mban: Setemba 1, 2006 (zwa Buter) peeji 17-21, man Janawari 15, 2007 peeji 17-20.