Sha Ci U Agumaior

Er U Hemba Imeen Yô

YOSEV—VEGHER U SHA 1

Kwaghwan: Ôr avur a Bibilo ne hen ijiir i í huan yô. U nguren ôron a yô, i lu u er we kpa u ngu ape kwagh shon yange er la nahan. Nenge a hanma kwagh ken ishima you. Ungwa amo a ior mba ve lu lamen la. Shi fa er yange lu ior mba u lu ôron kwagh ve la ken ishima yô. Tôô wer kwagh shon ngu eren ave ave.

Ior mba i hembe ôron kwagh ve la: Yosev man kwase u Potifar

U saven ôron: Yosev yange hemba imeen i yaven a kwase u Potifar la.

1 TIME SHA KWAGH U YANGE ZA HEMEN NE.—ÔR GENESE 39:1-12.

Pase er u hen wer zege ya u Potifar la yange una lu la.

․․․․․

U nenge a mlu u Yosev ken ishima you nahan, ngu u nena? (Zua a iwanger: Ôr ivur 6.)

․․․․․

Kanyi ikyenge nahan u hen wer Yosev lu lamen a mi heen, er lu lamen a kwase u Potifar ken ivur i sha 8 man 9 laa?

․․․․․

2 SEER TIMEN SHA KWAGH NE.

Kanyi nahan alaghga yange ma na ve, Yosev ma hingir u eren kwaghbo? (Zua a iwanger: Ôr Mbafilipi 2:12, maa hen sha mlu u Yosev la. Ikyav i tesen yô, ior mba hen tsombor u Yosev kua shi mbacivir Yehova mbagenev lu hana hen shighe la?)

․․․․․

U hen wer, kanyi yange i na ve Yosev nenge ér u eren idya la, ka u eren Aôndo isholibo, shin er Aôndo lu a wa tindi sha kwagh u idya hen shighe la ga nahan kpaa? (Zua a iwanger: Ôr avur a Bibilo a a lu shin heen ne shi hen sha mi: Genese 2:24; 12:17, 18; Mbaromanu 2:14, 15; man Mbaheberu 5:14.)

․․․․․

  3 ER KWAGH U Ú HEN LA. NGER KWAGH U Ú HEN SHA AKAA A Á DONDO SHIN HEEN NE SHIN INYA

Gbenda u iyolkôrontsaha i gbe i zough vea iciviryolough la.

․․․․․

Mbamtsera mba ior mba ve dondon atindiakaa a Aôndo a sha kwagh u aeren a dedoo man a bo ve zough a mi la.

․․․․․

Er i gbe u u tsaase “mkav u ken ishima” you la. (Mbaheberu 5:14)

․․․․․

KWAGH U Ú FATYÔ U SEER EREN YÔ.

Ka vegher shin avegher a nyi nahan ken uma wou, i doo u ú seer eren kwagh sha mi sha kwagh u hendan a imeen i yaven a or laa? (Zua a iwanger: Ôr avur a Bibilo ne shi hen sha mi, Yobu 31:1; Pasalmi 119:37; Mbaefese 5:3, 4.)

․․․․․

4 KANYI I̱ HEMBE DOON WE SHA KWAGH U Ú ER KEN BIBILO NEE, MAN KA SHA CI U NYI?

․․․․․

Seer henen bibilo hen adereshi wase u sha intanet u www.watchtower.org la kua www.pr418.com