Mbakpenev Vea Fatyô u Shi Hiden Lun Umaa?
U na mlumun wer . . .
-
eenee?
-
eii?
-
alaghga tsôô?
KWAGH U BIBILO I̱ KAA YÔ
‘Ior vea nder shin ku.’—Aerenakaa 24:15.
U NA JIGHJIGH A MNDER U SHIN KU YÔ, KA MBAMTSERA MBA U ZUA A MI JE NE
U zua a msurshima shighe u or wou nan kpe yô.—2 Mbakorinte 1:3, 4.
U kera cia ku u wa tsa ityô ga.—Mbaheberu 2:15.
U lu a ishimaverenkeghen i va lun vea ior ou mba ve kpe la imôngo.—Yohane 5:28, 29.
SE FATYÔ U NAN KWAGH U BIBILO I̱ ER NE JIGHJIGH KPA?
Een, se fatyô sha ci u atôakyaa atar a i ter heen ne, kua atôakyaa agen kpaa:
-
Ka Aôndo a gbe uma ye. Bibilo yila Yehova Aôndo ér “imbor i uma.” (Pasalmi 36:9; Aerenakaa 17:24, 25) Aôndo u a ne akaauma cii uma la una fatyô u nan orkpen uma, nana hide a lu uma.
-
Aôndo vande nderen uumace shin ku sha ayange a tsuaa la. Bibilo ôr kwagh u iorov anigheni, mbayev kua mbaganden, nomso man kasev cii, mba yange i nder ve shin ku, ve hide ve lu uma yô. Mbagenev ken mba i nder ve ne kpe anshighe kpuaa maa i nder ve, kpa ugen la yange tsa shin uwar kuma ayange a anyiin!—Yohane 11:39-44.
-
Sar Aôndo tsung u shi nderen ior shin ku. Yehova kôr ku ihyom; a nenge ér ku ka orihyom. (1 Mbakorinte 15:26) “Sar” un tsung u timin orihyom la; una er kwagh ne sha u nderen ior shin ku, nahan ku ua kera lu ga. Sar un u hiden a mbakpenev mba a we ishima u nderen ve la, shi nengen er vea hide a lu uma sha tar yô.—Yobu 14:14, 15.
MPIN U HENEN SHA MI
Er nan ve ka se bee iyol shi se kpe?
Bibilo na mlumun sha mpin ne ken GENESE 3:17-19 man MBAROMANU 5:12.
Kwagh Ugen u Alaghga Shi Una Doo U Yô
ATESEN A BIBILO A HANGE HANGE
Mlu u Mbakpenev Ngu Nena?
Bibilo tôndo zwa ér shighe ngu van u a va nder ior kpishi shin ku yô, vough er yange i nder Lasaru nahan.
IYOUKURA
A Er Nan Ve U Fa Wer Mimi Je Mbakpenev mba Va Nderene?
Bibilo na atôakyaa a injaa ahar a se fatyô u nan jighjigh a mnder u shin ku yô.
KWAGH WASE
Doo u Ú Hen Bibilo sha ci u Nyi?
Bibilo ngi tan ior umiliôn umiliôn sha tar cii iwanger sha akaa a hange hange a a tsum ve la. We kpa u soo u zuan a iwanger shonoo?
